სახალხო დამცველის მოადგილემ, ელენე ღუდუშაურმა ბათუმის აქციაზე დაკავებულები მოინახულა.

როგორც ელენე ღუდუშაური აცხადებს, დაკავებულები პოლიციელების მხრიდან განხორციელებულ სიტყვიერ და ფიზიკურ შეურაცხყოფაზე საუბრობენ და აღნიშნავს, რომ დაკავებულთა ნაწილს ფიზიკური დაზიანებები აღენიშნებათ.

"რამდენიმე მათგანი საუბრობს სიტყვიერ და ფიზიკურ შეურაცხყოფაზე, პოლიციელების მხრიდან განხორციელებულ ამ ფაქტზე. ჩვენ გუშინვე გვქონდა რეაგირება აღნიშნულთან დაკავშირებით და მივმართეთ სპეციალურ საგამოძიებო სამსახურს. ახლა მათგან ველით სწრაფ და ეფექტიან რეაგირებას. ასევე, გუშინ, გვიან ღამით მოვინახულეთ სენაკში დაკავებულები. მათგანაც, რამდენიმე მათგანმა ისაუბრა არასათანადო მოპყრობის ფაქტებზე, სიტყვიერ, ფიზიკურ შეურაცხყოფაზე პოლიციელების მხრიდან. აღნიშნულთან დაკავშირებით ასევე მივმართავთ სპეც. საგამოძიებო სამსახურს.

[დაკავებულები] თვითონ საუბრობენ ძალის გადამეტებაზე პოლიციელების მხრიდან დაკავების მომენტში. ცალკეულ მათგანს აღენიშნება ფიზიკური დაზიანებები. ძირითადად, ეს არის ინფორმაცია, რასაც გვაწვდიან", - განაცხადა ღუდუშაურმა.

შეგახსენებთ, 31 ივლისს, ბათუმში მიმდინარე აქციაზე, სადაც მოქალაქეები საკრუიზო ლაინერ Astoria Grande-ს შემოსვლას აპროტესტებდნენ, პოლიციამ 23 პირი დააკავა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს