საჩხერის სამთო მომზადების სკოლაში შუალედური სამთო მომზადების ზამთრის კურსი მიმდინარეობს.

როგორც „ექსპრესნიუსს“ თავდაცვის სამინისტროდან აცნობეს, სწავლება ნატოს პარტნიორობა მშვიდობისათვის პროგრამის ფარგლებში (PFP) ტარდება.

ზამთრის კურსს ნატოს წევრი და პარტნიორი ქვეყნების 12 სამხედრო მოსამსახურე, მათ შორის, თურქეთისა და სომხეთის ასევე, საჩხერის სამთო მომზადების სკოლის 3 და 5 სპეციალური ძალების მომავალი ინსტრუქტორი გადის.

წვრთნები ორ ეტაპად დაიგეგმა. თავდაპირველად კურსზე მივლინებულ სამხედრო მოსამსახურეებს აბულის სამთო პოლიგონზე მაღალ მთაში საცეცხლე მომზადება ჩაუტარდათ. კურსის მთავარ მიზანს მაღალმთიან რელიეფზე, რთული კლიმატური პირობების დროს, საშტატო იარაღებიდან სროლის უნარ-ჩვევების დახვეწა წარმოადგენდა. სროლები ზღვის დონიდან 3000 მეტრზე სხვადასხვა მანძილზე და სხვადასხვა პოზიციიდან წარმოებდა. სწავლებას საჩხერის სამთო მომზადების სკოლის ინსტრუქტორები ზედამხედველობდნენ.

სწავლების მეორე ეტაპზე მსმენელები გუდაურში იმყოფებიან. სამხედროები  მაღალ მთაში გადაადგილების, დაზარალებულის ძებნა-გადარჩენის, ტექნიკური სრიალის სწავლებებს გადიან. კურსის ფარგლებში, ისინი თხილამურებით დაბრკოლებათა ზოლის გადალახვასა და თოვლის თავშესაფრის ე.წ. „იგლუს“ მოწყობასაც სწავლობენ.

შუალედური სამთო მომზადების ზამთრის კურსი ერთ კვირაში საჩხერის სამთო მომზადების სკოლაში დასრულდება. მსმენელები სწავლების წარმატებით გავლის სერთიფიკატებს მიიღებენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ესტონეთი რუსეთთან საზღვარს 1 დეკემბერს დახურავს თავდაცვის ქარხანაში მომხდარი დივერსიის გამო.

უკრაინამ რუსეთის ერთ-ერთ უდიდეს ნავთობქიმიურ ქარხანას შეუტია, ტაგანროგში ელექტროსადგური დაბომბა

16 ნოემბერს, ღამის საათებში, ქეთევან დედოფლის გამზირზე საავტომობილო მოძრაობა სრულად გადაიკეტება

ეპისკოპოსი გიორგი ჯამდელიანი - თქვენ ჩვენი ბატონ-პატრონები ნუ გგონიათ თავი და ხალხს ზემოდან კი ნუ უყურებთ