საქართველოს აეროპორტების გაერთიანებასა (UAG) და ქუთაისის საერთაშორისო უნივერსიტეტს (KIU) შორის ურთიერთთანამშრომლობის მემორანდუმი გაფორმდა.

აეროპორტების გაერთიანების ნობით, დოკუმენტს ხელი საქართველოს აეროპორტების გაერთიანების დირექტორმა, ირაკლი ქარქაშაძემ და ქუთაისის საერთაშორისო უნივერსიტეტის რექტორმა, ალექსანდრე თევზაძემ მოაწერეს.

მემორანდუმის თანახმად, სტუდენტები საწარმოო პრაქტიკას და სტაჟირებას გაივლიან ქუთაისის საერთაშორისო აეროპორტში, ასევე საქართველოს აეროპორტების გაერთიანების ცენტრალურ ოფისსა და ადგილობრივ აეროპორტებში.

ირაკლი ქარქაშაძის განცხადებით, თანამშრომლობის ძირითადი მიზანია, რაც შეიძლება მეტი წარმატებული სტუდენტი დაინტერესდეს ავიაციის სფეროთი, რომ სამომავლოდ თავიანთი პროფესიული განვითარება აეროპორტების გაერთიანებას დაუკავშირონ. 

"აეროპორტების გაერთიანება, ქუთაისის საერთაშორისო აეროპორტთან ერთად რეგიონში ერთ-ერთი მსხვილი დამსაქმებელია. ჩვენთვის ძალიან მნიშვნელოვანია კადრები, რომლებიც ჩვენთან დასაქმდებიან იყვნენ მაღალი კვალიფიკაციის. ურთიერთთანამშრომლობის მემორანდუმი მიზნად ისახავს ხელი შევუწყოთ ქუთაისის საერთაშორისო უნივერსიტეტის კურსდამთავრებულებს და სტუდენტებს დასაქმებაში და ასევე, თავის მხრივ უნივერსიტეტმა მოამზადოს იმ კვალიფიკაციის სტუდენტები, რა მოთხოვნებიც ქუთაისის საერთაშორისო აეროპორტს გააჩნია. 

ეს არის ძალიან მნიშვნელოვანი ნაბიჯი ჩვენი მხრიდან და დარწმუნებულები ვართ, რომ ჩვენი თანამშრომლობა ხელს შეუწყობს რეგიონში ქუთაისის აეროპორტის კიდევ უფრო ძლიერად პოზიციონირებას არამხოლოდ მგზავრთნაკადის მხრივ, არამედ როგორც რეგიონის ეკონომიკურ მასტიმულირებელს",- განაცხადა ირაკლი ქარქაშაძემ.  

თანამშომლობის ძირითადი მიზანია, უნივერსიტეტმა და აეროპორტების გაერთიანებამ ითანამშრომლონ სხვადასხვა საგანმანათლებლო, სამეცნიერო, სტუდენტური ცხოვრების, ახალი ტექნოლოგიების და ინოვაციების ეკოსისტემის განვითარების მიმართულებით ერთობლივი პროექტების და ღონისძიებების განსახორციელებლად. 

ურთიერთანამშრომლობის მემორანდუმის ფარგლებში, ასევე დაგეგმილია აეროპორტების გაერთიანებასა და ქუთაისის უნივერსიტეტს შორის სამეცნიერო, საერთაშორისო და სხვა პრაქტიკული თანამშრომლობის განვითარება. ასევე, ერთობლივი  თემატური სემინარების, კონფერენციების, საჯარო ლექციების, ტრენინგებისა და სხვადასხვა ღონისძიებების ორგანიზება. 

ავტორი: NS (სტატია დაფინანსებულია),

სოციალური ქსელები

TORCAL-ის პრემიერა - „ბენტლიმ“ პირველი, უნიკალური ელექტრომობილი წარადგინა

60%-მდე ფასდაკლება ელექტრონულ სატენდერო გარანტიაზე საქართველოს ბანკისგან

შსს ენმ-ს აქციაზე - მოვუწოდებთ, არ გასცდნენ კანონით დადგენილ ნორმებს

ComCom-ი კვლავ ჩაერია ტელევიზიის სარედაქციო დამოუკიდებლობაში და „ფორმულა" 10,000 ლარით დააჯარიმა