2023-06-19 11:01:07, 834 ნახვა
სპეციალური ანონსი
ჭიათურელი მაღაროელები დღეს, პარლამენტთან აქციას გამართავენ - 21:00-ზე დაანონსებულია მხარდამჭერი აქციაც
![]() დღეს, 19 ივნისს, 16:00-ზე საქართველოს პარლამენტთან ჭიათურაში გაფიცული მაღაროელები აქციას გამართავენ. აღნიშნულის შესახებ ინფორმაცია მაღაროელების მიერ შექმნილ საინფორმაციო გვერდზე ვრცელდება. "დღეს ოთხ საათზე გელოდებით პარლამენტის წინ ვმართავთ მშვიდობიან პროტესტს მოვდივართ ჭიათურიდან",- აღნიშნულია განცხადებაში. გარდა ამისა, პარლამენტთან ჭიათურაში გაფიცული მაღაროელების მხარდასაჭერ აქციას 21:00 საათზე გამართავს მოძრაობა „სირცხვილიაც". "10 ადამიანი, რომელიც უკვე 13 დღეა შიმშილობს. მათ გვერდით სხვა მაღაროელები, რომლებმაც პროტესტის ნიშნად ვენები გადაიჭრეს, პირი და თვალები ამოიკერეს. შეუძლებელია, ვუყურებდეთ პროტესტის ასეთ მწვავე ფორმებს და ამ პროცესში “ჯორჯიან მანგანეზისა” და ხელისუფლების პოზიციებსა და ქმედებს რაიმე გამართლებას ვუძებნიდეთ. დღეს, ჩვენს ქვეყანაში, ჩვენ გვერდით, ადამიანები უბრალოდ არსებობისთვის ითხოვენ შველას. ხელისუფლება, რომელმაც თავად გადასცა კერძო კომპანიას ხალხის საკუთრება, ვალდებულია ხალხის, დასაქმებულთა ინტერესებს იცავდეს. ამის ნაცვლად მთავრობის ადმინისტრაცია მხოლოდ “მედიატორის” როლში გვევლინება, ხოლო “ჯორჯიან მანგანეზის” წარმომადგენლებისგან დამცინავ პასუხს ვისმენთ, რომ პროტესტის მონაწილეების ყველა მოთხოვნას იზიარებენ, გარდა ანაზღაურების ზრდისა და სამუშაო საათების შემცირებისა. სწორედ ეს არის მაღაროელების მთავარი მოთხოვნა - ხელფასის ზრდა და 12 საათიანი სამუშაო დღის 8 საათამდე შემცირება! ეს პრობლემები დღეს მათთვის რეალურია და დაუშვებელია მაღაროელების პროტესტის გაუფასურება რაიმე პოლიტიკური იდეოლოგიის პრიზმიდან. დღეს, 19 ივნისს პარლამენტის წინ მაღაროელების მხარდასაჭერი აქცია გაიმართება. სოლიდარობა ჭიათურელ მაღაროელებს! სირცხვილი “ჯორჯიან მანგანეზს”! სირცხვილი ხელისუფლებას!” - წერია აქციის ორგანიზატორების განცხადებაში. შეგახსენებთ, რომ 6 ივნისს, ჭიათურაში 3 000-ზე მეტი მაღაროელი სამუშაო პირობების გაუმჯობესების მოთხოვნით გაიფიცა, ხოლო 13 ივნისს, მაღაროელების ნაწილმა შიმშილობა დაიწყო. მაღაროელების მთავარი მოთხოვნებია:
15 ივნისს გაფიცულ მაღაროელებს სახალხო დამცველი ლევან იოსელიანი შეხვდა. როგორც ომბუდსმენმა განაცხადა, აქციის მონაწილეები მზად იყვნენ დათმობისთვის, თუმცა იმავეს ითხოვდნენ მეორე მხარისგან. 16 ივნისს, ერთ-ერთმა მაღაროელმა პროტესტის ნიშნად პირი ამოიკერა, ამასთან, როგორც გაფიცულები ამბობენ, მაღაროელმა პროტესტის ამ ფორმას უშედეგო მოლაპარაკებების შემდეგ მიმართა.
NDI - საზოგადოების 37% მიიჩნევს, რომ ქვეყანა არასწორი მიმართულებით ვითარდება
NDI - საქართველოს მთავრობის საქმიანობას დადებითად 54% აფასებს
ლანდსბერგისი - ბევრი ქვეყანა, მათ შორის საქართველო, იმაზე ახლოს იქნება EU-სთან, ვიდრე როდესმე
NDI - ფასების ზრდა, დასაქმება და სიღარიბე კვლავ ყველაზე დიდ გამოწვევად რჩება
|
ომი უკრაინაში![]() უკრაინის საჰაერო ძალები - რუსეთის მიერ გაშვებული 18 დრონი და 8 ბალისტიკური რაკეტა გავანადგურეთ
![]() უკრაინის გენშტაბი - საომარი მოქმედებების დაწყებიდან დღემდე, უკრაინაში 339 850-მდე რუსი ჯარისკაცი მოკლეს
![]() უკრაინის გენშტაბი - საომარი მოქმედებების დაწყებიდან დღემდე, უკრაინაში 338 820-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|