ბრიტანულ-ქართულ აკადემიაში ასაფეთქებელი ნივთიერების არსებობა არ დადასტურდა. აღნიშნულთან დაკავშირებით კერძო სკოლის ადმინისტრაცია სოციალურ ქსელში სპეციალურ განცხადებას ავრცელებს და ამბობს, რომ ელექტრონულ ფოსტაზე მიიღეს შეტყობინება სკოლის ტერიტორიაზე ბომბის არსებობის შესახებ, რის საფუძველზეც შენობიდან დაუყოვნებლივი ევაკუაცია განხორციელდა. 

განცხადების თანახმად, სკოლაში სასწავლო პროცესი ხვალიდან, ჩვეულ რეჟიმში აღდგება.

„5 ივნისს, ბრიტანულ-ქართული აკადემიის ელექტრონულ ფოსტაზე შემოვიდა შეტყობინება სკოლის ტერიტორიაზე ბომბის არსებობის შესახებ, რის საფუძველზეც დაუყოვნებლივ განხორციელდა სკოლის სრული ტერიტორიიდან ევაკუაცია და მოსწავლეებისა და თანამშრომლების უსაფრთხო ადგილას გადაყვანა. აღნიშნული ფაქტის შესახებ ეცნობა შინაგან საქმეთა სამინისტროს შესაბამის უწყებას და სკოლის მთლიანი პერიმეტრი შემოწმდა სახელმწიფო უსაფრთხოების სამსახურის განაღმვის სამსახურის მიერ. ჩატარებული სამუშაოების შესაბამისად, სკოლის ტერიტორიაზე ასაფეთქებელი ნივთიერების არსებობა არ დადასტურდა.

აღნიშნულ ფაქტთან დაკავშირებით საქმე აღძრულია და მიმდინარეობს გამოძიება. სასწავლო პროცესი ხვალიდან, ჩვეულ რეჟიმში აღდგება",- ნათქვამია კერძო სკოლის ადმინისტრაციის განცხადებაში.

ავტორი: ექსპრესნიუსი,

სოციალური ქსელები

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს