2023-05-09 16:32:00, 824 ნახვა
საზოგადოება
გორის მერი - ვერ ვხედავ პრობლემას, რომ მთავარ გამზირს სტალინის სახელი ჰქვია
ვერ ვხედავ პრობლემას, რომ მთავარ გამზირს სტალინის სახელი ჰქვია,- ამის შესახებ გორის მერმა, ვლადიმერ ხინჩეგაშვილმა განაცხადა.
ხინჩეგაშვილის თქმით, გორში სტალინის ძეგლის დაბრუნების საკითხი, ამ ეტაპზე დღის წესრიგში არ დგას.
„ფაშიზმთან გამარჯვების დღესთან დაკავშირებით მოვედით და პატივი მივაგეთ გმირებს. 78 წელი გავიდა ამ დღის შემდეგ და განსაკუთრებით ეს დღე ჩვენს მუნიციპალიტეტში მცხოვრებ ვეტერანს მინდა მიცულოცო.
ამ ეტაპზე დღის წესრიგში არ დგას [სტალინის ძეგლის დაბრუნება].
ჩემი პირადი აზრია, რომ მე ამასთან პრობლემა არ მაქვს და ვერც ვერაფერს ვხედავ პრობლემურს, რომ მთავარ გამზირს სტალინის სახელი ჰქვია“,- განაცხადა ხინჩეგაშვილმა.
ავტორი: ექსპრესნიუსი,
epn.ge (@expressnews.ge)
