2023-05-08 17:38:37, 953 ნახვა
სამართალი
საგადასახადო მონიტორინგის თანამშრომლებმა ნავთობპროდუქტების ტრანსპორტირებისა და შენახვის წესების დარღვევის 3 ფაქტი გამოავლინეს
მიმდინარე წლის იანვარი-მარტის მონაცემებით, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის თანამშრომლებმა, ქვეყნის მასშტაბით განხორციელებული კონტროლის ღონისძიებების შედეგად, 20938 ლიტრი აღურიცხავი ნავთობის (დიზელი) შენახვა-ტრანსპორტირება-რეალიზაციის 3 სამართალდარღვევა გამოავლინეს.
შემოსავლების სამსახურის ცნობით, ადმინისტრაციული სამართალდარღვევათა კოდექსის 1551 მუხლის შესაბამისად, სამართალდამრღვევ პირებს ადმინისტრაციული სახდელები შეეფარდათ.
მათივე ინფორმაციით, საქმეები ქვემდებარეობის მიხედვით შესაბამის სასამართლო ორგანოებს გადაეგზავნა.
ავტორი: NS (სტატია დაფინანსებულია),
epn.ge (@expressnews.ge)
