20 აპრილს,  სასტუმრო ,,თბილისი მარიოტში", აზიის განვითარების ბანკის (ABD) მხარდაჭერით, სხვადასხვა სახელმწიფო უწყებებისა და ბიზნესსექტორის წარმომადგენლების ჩართულობით სამუშაო შეხვედრა გაიმართა.

აღნიშნული ღონისძიება გაეროს საერთაშორისო ვაჭრობის სამართლებრივი კომისიის მიერ, შემუშავებული სხვადასხვა სახის ელექტრონული/უქაღალდო დოკუმენტაციის (სამოდელო კანონის ეროვნულ დონეზე იმპლემენტაციის მიზნით) ინსტიტუციონალური შესაძლებლობების განვითარების საკითხებს მიეძღვნა. ღონისძიება გახსნა და მონაწილეებს მისასალმებელი სიტყვით მიმართა ფინანსთა სამინისტროს შემოსავლების სამსახურის უფროსის მოადგილემ, ვლადიმერ ხუნდაძემ. მისი თქმით, ბოლო წლების განმავლობაში სულ უფრო ნათლად იკვეთება ვაჭრობისა და ვაჭრობასთან დაკავშირებული ნებისმიერი აქტივობების ციფრულ სივრცეში გადატანის უკიდურესი აუცილებლობა.

,,ჩვენ მუდმივად ვმუშაობთ ელექტრონული ვაჭრობისა და საერთაშორისო „უქაღალდო" ვაჭრობის ნორმატიული ჩარჩოს დახვეწაზე. ამის ნათელი მაგალითებია ის ელექტრონული სერვისები, რომელთა მიღებაც მარტივად არის შესაძლებელი ჩვენ უწყებაში. ამასთან, ჩვენ ხელი უნდა შევუწყოთ,  ციფრული/უქაღალდო ეკოსისტემის განვითარებას კერძო სექტორში, ხოლო სახელმწიფო სერვისების მიწოდება ამ მიმართულებით, კიდევ უფრო უნდა წავახალისოთ," - განაცხადა ვლადიმერ ხუნდაძემ.

მიმართვის დასასრულს, მან აზიის განვითარების ბანკის, საერთაშორისო სავაჭრო პალატისა და გაეროს საერთაშორისო ვაჭრობის სამართლებრივი კომისიის წარმომადგენლებს, ასევე  პროექტში მონაწილე ყველა პირს მადლობა გადაუხადა აქტიური თანამშრომლობისთვის.

შემოსავლების სამსახურის უფროსმა, ასევე ხაზი გაუსვა, მომდინარე წელს,  ADB-ს მხარდაჭერით,  განხორციელებულ პროექტს, რომელიც  ხელოვნური  ინტელექტის გამოყენებით საბაჟო ფორმალობების კიდევ უფრო სწრაფ და მარტივ შესრულებას ისახავს მიზნად.

სასტუმრო ,,თბილისი მარიოტში" გამართულ შეხვედრას საქართველოში აზიის განვითარების ბანკის დირექტორის მოადგილე კამელ ბუმადი, ფინანსთა სამინისტროს შემოსავლების სამსახურის საერთაშორისო ურთიერთობათა დეპარტამენტის უფროსი სამსონ ურიდია, უწყების სხვადასხვა დეპარტამენტის თანამშრომლები და კერძო სექტორის წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება