2023-03-30 11:17:19, 355 ნახვა
საზოგადოება
„თიბისი კონცეპტში“ ინტერდისციპლინური კულტურის ფესტივალი "ხიდი: თბილისი - ციურიხი" ტარდება
![]() „თიბისის“ მხარდაჭერით კონცეპტის მულტიფუნქციურ სივრცეში 4 აპრილს ინტერდისციპლინური კულტურის ფესტივალი „ხიდი: თბილისი - ციურიხი“ ტარდება. ფესტივალის ფარგლებში შვეიცარიული არქიტექტურის ჩვენება შედგება, რომელსაც მოწვეული შვეიცარიელი არქიტექტორები გაუძღვებიან და აუდიტორიას კულტურული წარმატების ისტორიის კრიტიკულ ასპექტებს გააცნობენ. შეხვედრა სალექციო ფორმატში ჩატარდება, რომელიც ფილმის ჩვენებასა და დისკუსიას მოიცავს. კულტურის ინტერდისციპლინური ფესტივალი "ხიდი: თბილისი - ციურიხი" მოიაზრებს თანამედროვე ხელოვნებისა და კულტურის გაცნობას შვეიცარიაში და პირიქით, შვეიცარიული თანამედროვე ხელოვნებისა და კულტურის გაცნობას საქართველოში. ფესტივალი ქართული პროგრამით პირველად 2021 წლის ოქტომბერში ციურიხში გაიმართა, ახლა კი სარკისებრი პრინციპით თბილისში, შვეიცარიული პროგრამით ტარდება. პროგრამა ხელს უწყობს ორ ქვეყანას შორის კულტურული დიალოგის გაღრმავებასა და თანამშრომლობის ქსელის შექმნას. 1-10 აპრილის პერიოდში ფესტივალი ქართველი პუბლიკის წინაშე მრავალფეროვანი პროგრამით წარდგება, რომელიც მოიცავს კინოს, ლიტერატურას, არქიტექტურას, ხელოვნებასა და მუსიკას. ფესტივალი 1 აპრილს ფერდინანდ ჰოდლერისა და პაულ კლეეს იმერსიული გამოფენით აუდიო ვიზუალურ მუზეუმში, HOLOSEUM-ში გაიხსნება. „თიბისი კონცეპტისთვის“ კულტურული პროექტების მხარდაჭერა და ქვეყნის საერთაშორისო ასპარეზზე წარმოჩენა ყოველთვის ერთ-ერთ ძირითად ღირებულებას წარმოადგენდა. ჩვენთვის მნიშვნელოვანია, ხელს ვუწყობდეთ კულტურულ ძვრებს როგორც ქვეყნის შიგნით, ისე მის გარეთ. სწორედ ამიტომ, შვეიცარიულ ფესტივალთან თანამშრომლობით ხელოვნების პოპულარიზაციას ვუწყობთ ხელს და გვჯერა, რომ შვეიცარიული და ქართული კულტურის დიალოგი მომავალში გრძელვადიანი პარტნიორობის საწინდარია“ - ამბობს სოფო კიკვაძე, „თიბისი კონცეპტის“ მარკეტერი. „თიბისი კონცეპტი“ მუდამ მზადაა კულტურულ ფესტივალებს უმასპინძლოს და ქართულ აუდიტორიას, განსაკუთრებით კი ახალ თაობას, ხელოვნების მიმართულებით არაერთი საინტერესო სიახლე გააცნოს. „ხიდი: თბილისი - ციურიხი“ მისამართი: თიბისი კონცეპტი | კ. მარჯანიშვილის ქ. 7, მე-4 სართული. ფესტივალის შესახებ მეტი ინფორმაციისთვის ეწვიეთ ბმულს: https://www.zuerich-tbilissi.ch/ka/programm https://www.facebook.com/Br%C3%BCcke-Z%C3%BCrich-Tbilissi-105806515159641
კულება - უკრაინას ნატოს წევრობასთან დაკავშრებით სიცხადე სჭირდება
კახოვკის ტალღამ ჩამორეცხა მშვიდობის უკანასკნელი იმედები
პოლონეთმა წყალდიდობის შედეგების აღმოსაფხვრელად უკრაინას წყლის ავზები და ამოსატუმბი ხელსაწყოები გადასცა
აშშ-ის ელჩი ჩინეთში - ვიმედოვნებ, რომ ჩინეთი სწორ არჩევანს გააკეთებს და დაარწმუნებს რუსეთს, დაიცვას საერთაშორისო სამართალი
|
ომი უკრაინაში![]() კულება - უკრაინას ნატოს წევრობასთან დაკავშრებით სიცხადე სჭირდება
![]() პოლონეთმა წყალდიდობის შედეგების აღმოსაფხვრელად უკრაინას წყლის ავზები და ამოსატუმბი ხელსაწყოები გადასცა
![]() უკრაინაში კიდევ ერთი ქართველი მებრძოლი, ზურაბ მუშუქია დაიღუპა
ვიდეო/LIVE საქართველოს დამოუკიდებლობის დღე - პირდაპირი
|