2023-03-28 11:36:44, 1494 ნახვა
საზოგადოება
კიბერუსაფრთხოების ბიურო FIRST-ში გაწევრიანდა
თავდაცვის სამინისტროს სსიპ კიბერუსაფრთხოების ბიურო ინციდენტებზე რეაგირებისა და უსაფრთხოების გუნდების გლობალურ ფორუმში - FIRST გაწევრიანდა.
თავდაცვის სამინისტროს ცნობით, აღნიშნული ფორუმი კიბერინციდენტებზე რეაგირების საუკეთესო გამოცდილების გაზიარების კუთხით გლობალურად აღიარებული პლატფორმაა.
უწყების ინფორმაციით, FIRST-ში გაწევრიანება კიბერუსაფრთხოების ბიუროს გუნდს საშუალებას მისცემს, სხვადასხვა პრაქტიკულ ღონისძიებებში ჩართვითა და გამოცდილების გაზიარებით, გააუმჯობესოს თავდაცვის სფეროში კიბერინციდენტებზე რეაგირების შესაძლებლობები და ამ კუთხით, მუდმივ რეჟიმში თანხვედრაში იყოს თანამედროვე მიდგომებთან.
ავტორი: NS (სტატია დაფინანსებულია),
epn.ge (@expressnews.ge)
