რესპუბლიკური საავადმყოფოს პერსონალს შევხვდები მომდევნო კვირას და იქნება დეტალური პრეზენტაცია, სადაც ყველა დეტალს გავაცნობ,- ამის შესახებ საქართველოს ჯანდაცვის მინისტრმა, ზურაბ აზარაშვილმა განაცხადა.

მისი თქმით, ბრძანება არ ეხება სამედიცინო პერსონალს და არც ერთ ექიმს, ექთანს თუ სანიტარს დასაქმების და ანაზღაურების კუთხით არანაირი პრობლემა არ შეექმნება.

„შემიძლია მეც დაგიდასტუროთ ისევე, როგორც პრემიერმა, რომ არც ერთი სამედიცინო პერსონალი და თანამშრომელი არ დარჩება სამსახურის გარეშე. ეს ბრძანება არ ეხება სამედიცინო პერსონალს, ეს ეხება ადმინისტრაციის პერსონალს და კარგი იქნება თუ ერთმანეთისგან განვასხვავებთ. რეორგანიზაცია ავტომატურ რეჟიმში არ ნიშნავს, ადამიანების სამსახურიდან გათავისუფლებას და იმ წერილს თუ კარგად წაიკითხავთ დეტალურადაა განმარტებული.

რაც შეეხება სამედიცინო პერსონალს, არც ერთ ექიმს, ექთანს თუ სანიტარს დასაქმების და ანაზღაურების კუთხით არანაირი პრობლემა არ შეექმნება. შევხვდები მომდევნო კვირას და იქნება დეტალური პრეზენტაცია, სადაც ყველა დეტალს გავაცნობ. არაფერი ჩვენ დასამალი არ გვაქვს, ჩვენ ვაკეთებთ ჩვენი ქვეყნისთვის და მოქალაქეებისთვის ძალიან კარგ საქმეს“,- განაცხადა აზარაშვილმა.

ცნობისთვის, დღეს,  27 მარტს რესპუბლიკური საავადმყოფოს მედპერსონალი კლინიკის შესასვლელში საპროტესტო აქციას მართავს. აქციის მონაწილეები პრემიერ-მინისტრ ირაკლი ღარიბაშვილსა და ჯანდაცვის მინისტრ ზურაბ აზარაშვილთან შეხვედრას მოითხოვენ.

საქმე ეხება 21 მარტს გავრცელებულ ღია წერილს, რომელშიც კლინიკის თანამშრომლებმა განაცხადეს, რომ ჯანდაცვის მინისტრმა რესპუბლიკურის შენობის ნგრევა დააანონსა.

აღნიშნულის შემდეგ, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, თამარ გაბუნიამ განაცხადა, რომ რესპუბლიკური საავადმყოფოს მდებარეობის შენარჩუნება, ახალი კლინიკის მშენებლობა და გაძლიერება სტრატეგიული პრიორიტეტია. 

რაც შეეხება საავადმყოფოს მედპერსონალს, მინისტრის მოადგილე თქვა, რომ "უფლებები როგორც ანაზღაურების, ისე დასაქმების, ასევე ის, რომ პროფესიონალები, რომლებიც დღეს მუშაობენ რესპუბლიკურ საავადმყოფოში, გააგრძელონ მათი საქმიანობის შესრულებას გარდამავალ პერიოდში, ეს ყველაფერი არის განხილვის ფაზაში".

რესპუბლიკური საავადმყოფოს დირექტორის, ზაზა ავალიანის თქმით, გეგმა, რომ შენობა გაიყიდება ან სხვა სახის საინვესტიციო პროექტი განხორციელდება, არ არსებობს.

ავტორი: ექსპრესნიუსი,

სოციალური ქსელები

ბრიტანეთმა რუსული „ჩრდილოვანი ფლოტის“ ტანკერი დააკავა

დრონის დარტყმები რუსეთში: ხანძარი ტულის რეგიონში მდებარე „აზოტის“ ქარხანაში

ტრამპის ადმინისტრაციამ 20 მდე მიგრანტი ცენტრალური აფრიკის რესპუბლიკაში გადაასახლა, მათ შორის არიან ქართველებიც

ტრამპი ირანთან შეთანხმების მიღწევას დაჰპირდა, თუმცა თეირანი რაიმე შეთანხმებას უარყოფს