2023-03-18 14:08:25, 601 ნახვა
საზოგადოება
თბილისის მერიის მხარდაჭერით, 20 მარტს ქართველი მუსიკოსები კიბოს სკრინინგის მხარდასაჭერ კონცერტს გამართავენ
20 მარტს, 20:00 საათზე, თბილისის ოპერისა და ბალეტის სახელმწიფო თეატრში, ქალაქ თბილისის მუნიციპალიტეტის მერიის მხარდაჭერითა და დაფინანსებით, ცნობილი ქართველი მუსიკოსების მონაწილეობით კონცერტი გაიმართება. ღონისძიება, საქართველოში კიბოს სკრინინგის პროგრამის პოპულარიზაციის მიზნით, ეროვნული სკრინინგ ცენტრის ინიციატივითა და ა(ა)იპ „ქართული მუსიკის ცენტრის“ მხარდაჭერით დაწყებული საინფორმაციო კამპანიის მნიშვნელოვანი კომპონენტია. კამპანიაში ჩართულნი არიან ცნობილი ქართველი მუსიკოსები და შემსრულებლები: ნანი ბრეგვაძე, ნიკა ნიკვაშვილი და თბილისის ოპერისა და ბალეტის სახელმწიფო თეატრის ორკესტრი, ნინო სურგულაძე, ნატო მეტონიძე, ეკა მამალაძე, ნატალია ქუთათელაძე, ანსამბლი „შვიდკაცა“, კონსტანტინე ყიფიანი, გიორგი ლომისელი და თიკუნა წიქარიშვილი. კონცერტზე, ცნობილი შემსრულებლები, გარდა პოპულარული ნაწარმოებების შესრულებისა, საზოგადოებას კიბოს სკრინინგის ჩატარებისაკენ მოუწოდებენ. საინფორმაციო კამპანიის მიზანია, სრულიად ახლებურად დაანახოს კიბოს სკრინინგის ჩატარების მნიშვნელობა საზოგადოებას, ერთნაირად ჩართოს ყველა სფეროს წარმომადგენელი, იქნება ეს სახელოვნებო სფერო, ბიზნესსექტორი თუ სხვა. ამასთან, სოციალური პასუხისმგებლობის ფარგლებში, თავისი წვლილი შეიტანოს სიმსივნური დაავადებების ადრეული დიაგნოსტიკის, პრევენციისა და სკრინინგული პროგრამების პოპულარიზაციის საქმეში. ღონისძიების წარმდგენია კომპანია PSP. მედია პარტნიორია „პალიტრა მედია ჰოლდინგი“. სპონსორები არიან: „დეამედი“, „ისი პარი“, GOOD GIRL Carolina Herrera, თბილისის ბალნეოლოგიური კურორტი, რესტორანი „არქივი“, თბილისის ღვინის მუზეუმი. ავტორი: NS (სტატია დაფინანსებულია), „თიბისიმ“ მომხმარებელთა გამოცდილების გასაუმჯობესებლად სარესტორნო ბიზნესისთვის QR-ით გადახდა დანერგა
პროკურატურამ ევროკავშირის ქვეყნების ბიბლიოთეკებიდან ძვირადღირებული წიგნების ქურდობის ფაქტებზე 4 პირი დააკავა
კობახიძე - ორბანი მისაბაძი მაგალითია ყველასთვის, ვისთვისაც პატრიოტიზმს განსაკუთრებული ფასი აქვს
სოლომონ პავლიაშვილმა პლასტიკის პრევენციასთან დაკავშირებულ მინისტერიალში მიიღო მონაწილეობა
|
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|