სულ წევს, უჭირს მოძრაობები - მახსოვს, როგორი შემოვიდა "ვივამედში",- ამის შესახებ საქართველოს მესამე პრეზიდენტის დედამ, გიული ალასანიამ მიხეილ სააკაშვილთან დაკავშირებით განაცხადა.

როგორც ალასანიამ მედიის წარმომადგენლებთან საუბრისას აღნიშნა, ექიმების აზრით, ექსპრეზიდენტი, რომელსაც 47 დიაგნოზი აქვს დასმული, მძიმე ავადმყოფია.

"რომ მივდივარ ადამიანთან, სულ წევს, უჭირს მოძრაობები, უჭირს ყველაფერი, ფაქტობრივად და ისიც მახსოვს, როგორი შემოვიდა "ვივამედში".

ჩვენ გვყავდა ძალიან ავტორიტეტული ხალხი ჩამოყვანილი და ზოგიერთი აქაური - ძალიან ცნობილი სახელები. ყველას ერთსულოვანი აზრით, არის მძიმე ავადმყოფი. 47 დიაგნოზი აქვს დასმული, აქედან 3 არის უმძიმესი", - აცხადებს ექსპრეზიდენტის დედა.

ალასანიას თქმით, უფლებადამცველები მიხეილ სააკაშვილის საქმეზე პირველი-მეორე ინსტანციების გადაწყვეტილებას სტრასბურგში გაასაჩივრებენ.

შეგახსენებთ, 6 თებერვალს, თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. 3 მარტს კი, სააპელაციო სასამართლომ პირველი ინსტანციის გადაწყვეტილება ძალაში დატოვა.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის