2023-02-15 21:50:50, 1117 ნახვა
საზოგადოება
„ფემინა“ კრემლის მიერ „უცხოურ აგენტად“ გამოცხადებულ ანა რივინას სოლიდარობას უცხადებს
არასამთავრობო ორგანიზაცია “ფემინა”, რომლის მიზანიც ქალთა უფლებების დაცვაა, სოლიდარობას უცხადებს კრემლის მიერ “უცხოურ აგენტად” გამოცხადებულ ანა რივინას, რომელიც საქართველოში არ შემოუშვეს. ამის შესახებ განცხადებას ორგანიზაცია თავადვე ავრცელებს.
2022 წელს უცხოეთში მყოფმა ანა რივინამ დაარსა პროექტი "ლაბირინთი", რომელიც უწევს საინფორმაციო და ფსიქოლოგიურ მხარდაჭერას უცხოეთში იძულებით მყოფ ქალებს.
"ომის პირობებში ქალების მიმართ ძალადობა მატულობს და ქალების ხმა უფრო ჩუმად ისმის", - ნათქვამია პროექტის განცხადებაში.
შეგახსენებთ, საქართველოს მთავრობის მიერ მიღებული გადაწყვეტილება, არ შემოეშვათ ქვეყანაში კრემლის მიერ “უცხოურ აგენტად” გამოცხადებული ანა რივინა, ევროპარლამენტარებმა გააკრიტიკეს.
ავტორი: ექსპრესნიუსი,
epn.ge (@expressnews.ge)
