ბოდბელმა ეპისკოპოსმა მეუფე იაკობმა მედიასთან იმ საკითხების შესახებ ისაუბრა, რომელიც სინოდის სხდომაზე იქნა განხილული. 

როგორც მეუფე იაკობმა სინოდის სხდომის დასრულების შემდეგ აღნიშნა, სასულიერო პირებმა უკრაინაში მიმდინარე ომსა და თურქეთსა და სირიაში მომხდარ მიწისძვრაზე ისაუბრეს.

გარდა ამისა, მისივე თქმით, დიდი ბრიტანეთის და ირლანდიის ეპარქია დროებით პატრიარქის გამგებლობაში გადავა. 

"ყველა ძირითადი საკითხები გავიარეთ, თქვენ იცით, რომ რაც ის მძიმე ომი დაიწყო უკრაინაში, იმის მერე სინოდი არ შეკრებილა, პირველად შევიკრიბეთ. ჩვენ თანაგრძნობა გამოვხატეთ, იმიტომ რომ ძალიან დიდი, უდიდესი ტრაგედია ხდება და გვინდა, რომ ომი დამთავრდეს სწრაფად, ომი დამთავრდეს ისე, რომ სამართლიანობა არ დაიკარგოს. მთელი მსოფლიოსთვის ტრაგედიაა, რაც ხდება იქ. ასევე გავიზიარეთ თურქეთში მომხდარი მიწისძვრის შედეგები. თურქეთის ხელისუფლებას და მსოფლიო პატრიარქს მივუსამძიმრეთ. სირიის ტერიტორიაზეც მოხდა და სირიაში მივუსამძიმრეთ უშუალოდ ანტიოქიის პატრიარქს. 

ასევე, მეუფე ზენონი უწმინდეს შეხვდა და გადაწყდა, რომ დროებით დიდი ბრიტანეთის და ირლანდიის ეპარქია უშუალოდ პატრიარქის გამგებლობაში გადავა. ასე დროებით იქნება", - განაცხადა მეუფე იაკობმა. 

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა