საქართველოს თავდაცვის სამინისტრო 6 თებერვალს კიბერუსაფრთხოების დღეს აღნიშნავს. თავდაცვის უწყების ცნობით, „არმიჰოლში“ გამართულ ღონისძიებაზე კიბერუსაფრთხოების ბიუროს მიერ განხორციელებული საქმიანობა შეაჯამეს და სამომავლო გეგმები განიხილეს.

თავდაცვის მინისტრის მოადგილემ, დავით სუჯაშვილმა კიბერუსაფრთხოების სფეროში მიმდინარე წარმატებულ რეფორმებზე და სამომავლო გეგმებზე ისაუბრა, რაც თვისობრივად გაზრდის კიბერუსაფრთხოების ხარისხს, როგორც თავდაცვის სამინისტროს, ასევე ეროვნულ დონეზე. 

ღონისძიების მონაწილეებს სიტყვით მიმართეს თავდაცვის ძალების მეთაურმა, გენერალ-მაიორმა გიორგი მათიაშვილმა, საქართველოს პარლამენტის თავდაცვისა და უშიშროების კომიტეტის თავმჯდომარემ ირაკლი ბერაიამ, ეროვნული უსაფრთხოების საბჭოს აპარატის უფროსმა გივი თუმანიშვილმა, ნატოს სამეკავშირეო ოფისის ხელმძღვანელმა ალექსანდრე ვინიკოვმა და აშშ-ის თავდაცვის სფეროში თანამშრომლობის ოფისის უფროსმა, ვიცე-პოლკოვნიკმა ეროლ მიუნერმა. 

გამომსვლელების მიერ ეროვნული პერსპექტივის ჭრილში პოზიტიურად შეფასდა სამინისტროს მიერ კიბერუსაფრთხოების კუთხით განხორციელებული საქმიანობა და კიბერუსაფრთხოების ეროვნული სტრატეგიით ნაკისრი ვალდებულებების შესრულება. სტრატეგიული პარტნიორების მიერ ხაზგასმით აღინიშნა ბიუროს მიერ გაწეული წარმატებული საქმიანობა და თავდაცვის სფეროში მიმდინარე რეფორმების მნიშვნელობა. 

შეხვედრის დასასრულს, კიბერუსაფრთხოების ბიუროს დირექტორმა, ლუკა მგელაძემ დამსწრე საზოგადოებას მიაწოდა ინფორმაცია 2022 წელს შესრულებული და 2023 წელს განსახორციელებელი საქმიანობის შესახებ. 

ავტორი: NS (სტატია დაფინანსებულია),

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ