12:29 - 29 Mar, 2024
რეკლამა/ხელმოწერა
2023-02-01 15:59:00, 532 ნახვა

საზოგადოება
ირაკლი ქარქაშაძე - ჩვენი ქვეყნისთვის მნიშვნელოვანია თბილისის საერთაშორისო აეროპორტი იყოს მაქსიმალურად წარმოსადეგი

თბილისის საერთაშორისო აეროპორტის განვითარების გრძელვადიან გეგმაზე მუშაობა დასასრულს უახლოვდება. ე.წ. მასტერპლანზე აეროპორტის ოპერატორი კომპანია TAV GEORGIA საქართველოს აეროპორტების გაერთიანების უშუალო ჩართულობით მუშაობს, - ამის შესახებ ინფორმაციას თბილისის საერთაშორისო აეროპორტი ავრცელებს. 

აეროპორტების გაერთიანების დირექტორმა ირაკლი ქარქაშაძემ არსებული ინფრასტრუქტურა დაათვალიერა. აეროპორტების გაერთიანების ახალ დირექტორს თბილისისა და ბათუმის საერთაშორისო აეროპორტების მმართველი კომპანია TAV Georgia-ს გენერალურმა მენეჯერმა თეა ზაქარაძემ უმასპინძლა. 

,,ჩვენს სტრატეგიულ პარტნიორთან TAV Georgia-თან ერთად დავათვალიერეთ თბილისის საერთაშორისო აეროპორტის ინფრასტრუქტურა: ასაფრენ-დასაფრენი ზოლი, საფრენი მოედანი, სააეროდრომო ტექნიკა, სახანძრო აღჭურვილობა, იმისათვის, რომ ყველაფერი იყოს მოწესრიგებული და სათანადო დონეზე. ვხედავთ, რომ ყველაფერი საერთაშორისო სტანდარტებს შეესაბამება. TAV Georgia-თან ურთიერთობა საქართველოს აეროპორტების გაერთიანებისთვის ძალიან მნიშვნელოვანია. ვმუშაობთ და დასასრულს უახლოვდება თბილისის საერთაშორისო აეროპორტის გენერალური გეგმის დამუშავება.

უახლოეს ხანებში ეს დოკუმენტი იქნება დასრულებული, რაც საშუალებას მოგვცემს განვსაზღვროთ კონკრეტული სამოქმედო გეგმა და საინვესტიციო ღირებულება, თუ რა შედეგი გვინდა მივიღოთ.
ჩვენი ქვეყნისთვის მნიშვნელოვანია თბილისის საერთაშორისო აეროპორტი იყოს მაქსიმალურად წარმოსადეგი, ლამაზი და ინფრასტრუქტურულად პასუხობდეს იმ მოთხოვნებს, რაც ავიაკომპანიებს და მგზავრებს აქვთ“, – განაცხადა ირაკლი ქარქაშაძემ.

საქართველოს აეროპორტების გაერთიანების დირექტორმა შოთა რუსთაველის სახელობის აეროპორტში საჰაერო ხომალდის სახმელეთო მომსახურების ახალი ტექნიკა და ასაფრენ-დასაფრენი ზოლი დაათვალიერა, ასევე გამგზავრებისა და ჩამოფრენის ტერმინალები. აეროპორტების გაერთიანების დირექტორმა და TAV Georgia-ს გენერალურმა მენეჯერმა  თბილისისა და ბათუმის საერთაშორისო აეროპორტების გენერალური განვითარების გეგმებზე ისაუბრეს, რომლებზე მუშაობის პროცესში TAV Georgia ევროპის, ახლო აღმოსავლეთის და ცენტრალური აზიის რეგიონში აეროპორტების დაგეგმარებაში ერთ-ერთ წამყვან საექსპერტო და საკონსულტაციო კომპანია ADP Ingénierie (ADPI)-თან თანამშრომლობდა. თბილისის საერთაშორისო აეროპორტის განვითარების გეგმაზე, ე.წ. მასტერპლანზე მიმდინარეობს საბოლოო ტექნიკური დეტალების დაზუსტება, ხოლო ბათუმის საერთაშორისო აეროპორტის განვითარების გეგმაზე მუშაობა თებერვალში დასრულდება. თბილისისა და ბათუმის აეროპორტების მმართველი კომპანიის გენერალურმა მენეჯერმა და აეროპორტების გაერთიანების დირექტორმა აეროპორტების ინფრასტრუქტურის განახლებისა და არსებული სტანდარტების კიდევ უფრო გაუმჯობესების აუცილებლობაზე ისაუბრეს, რისთვისაც უახლოეს პერიოდში რამდენიმე ასეული მილიონი აშშ დოლარის ინვესტიციის განხორციელება იგეგმება.




ავტორი: NS (სტატია დაფინანსებულია),


სოციალური ქსელები
გარემოს დაცვისა და სოფლის მეურნეობის სამინისტრომ სახეობათა აღდგენის ეროვნული გეგმის პროექტი სამუშაო შეხვედრაზე განიხილა
მერია - მუნიციპალური ტრანსპორტის სხვადასხვა მარშრუტს 30 მარტიდან ავტობუსები დაემატება
ზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
სააგენტო - ზოგიერთ მუნიციპალიტეტსა და დედაქალაქში, ატმოსფერულ ჰაერში მყარი ნაწილაკების შემცველობის მატება ფიქსირდება

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics