თამარ ბერუჩაშვილი: ჩვენი ამოცანაა, საქართველო ყურადღების ცენტრში მოვაქციოთ

2015-02-06 18:05:37, 436 ნახვა

საგარეო საქმეთა მინისტრის თამარ ბერუჩაშვილის შეფასებით, მიუნხენის 51–ე უსაფრთხოების კონფერენცია რთულ ფონზე მიმდინარეობს.
მან ყურადღება ძირითადად უკრაინაში მიმდინარე მოვლენებზე გაამახვილა.
თუმცა, როგორც ბერუჩაშვილმა ჟურნალისტებს განუცხადა, ქართული დელეგაციის ამოცანაა, დაძაბულ პირობებში საქართველო ყურადღების ცენტრში მოექცეს.
„მიუნხენის უსაფრთხოების კონფერენცია უკიდურესად რთულ ფონზე მიმდინარეობს. კრიზისი, უკრაინაში საომარი მოქმედებები, ზოგადად რუსეთთან ურთიერთობა და ევროპული უსაფრთხოების სისტემის გამოწვევები, ეს არის განსაკუთრებული ფოკუსი ყველა ლიდერის, ყველა მონაწილის. ზოგადად ჩვენი ამოცანაა, მაქსიმალურად შევეცადოთ, ამ უკიდურესად დაძაბულ, რთულ პირობებში საქართველო ყურადღების ცენტრში მოვაქციოთ“, – აღნიშნა ბერუჩაშვილმა.
მიუხენის 51–ე უსაფრთხოების კონფერენცის გახსნით სესიას პრემიერ–მინისტრი ირაკლი ღარიბაშვილი დაესწრება.
საქართველოს დელეგაცია, რომლის შემადგენლობაშიც შედიან საგარეო საქმეთა მინისტრი თამარ ბერუჩაშვილი, პარლამენტის საგარეო ურთიერთობათა კომიტეტის თავმჯდომარე თედო ჯაფარიძე და მთავრობის ადმინისტრაციის უფროსის მოადგილე ნინო კობახიძე, გერმანიის ფედერაციულ რესპუბლიკას 9 თებერვალს დატოვებს.