შობის დღესასწაული აღნიშნეს საქართველოს სახარებისეულ ქრისტიან-ბაპტისტთა ეკლესიაში. საზეიმო მსახურება საღამოს, 21:00 საათზე დაიწყო. წირვა ეკლესიის უხუცესმა წინამძღვარმა, ლევან ახალმოსულიშვილმა მათეს სახარების კითხვით დაიწყო, შეკრებილებს სახარებიდან ქრისტეს შობის ნაწილი წაუკითხა და დღევანდელი დღე მიულოცა. ქადაგება საეკლესიო საგალობლებით გაგრძელდა.

„მინდა, მთელ საქრისტიანოს მივულოცო დღევანდელი დღე – ქრისტეს შობა. ეს არის უდიდესი დღესასწაული. ქრისტიანულ სამყაროში, საერთოდ, ორი დღესასწაულია: ქრისტეს შობა და აღდგომა. ორივე ძალიან ლამაზი დღესასწაულია, მაგრამ განსაკუთრებით გამოირჩევა შობა, თავისი მნიშვნელობითა და მრავალფეროვნებით. სამწუხაროა, რომ თანდათანობით ოჯახები, ქრისტიანები, ცალკეული პიროვნებები რიტუალურად, კულტურის ერთ-ერთ ნაწილად აღიქვამენ ამ დღესასწაულს. შობაზე არის დამოკიდებული კაცობრიობის არსებობის, სიცოცხლის გაგრძელება. დღეს თუ ჩვენ ცოცხლები ვართ, დღეს თუ ჩვენ გვაქვს რაიმე ადამიანური – ეს არის იესო ქრისტეს დამსახურება“, – განუცხადა პირველ არხს სახარებისეულ ქრისტიან-ბაპტისტთა ეკლესიის წინამძღვარმა, ლევან ახალმოსულიშვილმა.

საქართველოს სახარებისეულ ქრისტიან-ბაპტისტთა ეკლესია 2017 წელს, საქართველოში ბაპტისტური ეკლესიის 150 წლისთავზე გაიხსნა. ამ დროისთვის კავშირი 40-მდე ეკლესიასა და 800-მდე წევრს აერთიანებს.

ავტორი: ექსპრესნიუსი,

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო