10:14 - 09 Feb, 2023
რეკლამა/ხელმოწერა
2022-11-25 10:33:12, 324 ნახვა

საზოგადოება
გარემოს დაცვისა და სოფლის მეურნეობის მინისტრი საქართველოს სოფლის მეურნეობის მეცნიერებათა აკადემიის წევრებს შეხვდა

გარემოს დაცვისა და სოფლის მეურნეობის მინისტრი ოთარ შამუგია საქართველოს სოფლის მეურნეობის მეცნიერებათა აკადემიის წევრებს შეხვდა.

გარემოს დაცვისა და სოფლის მეურნეობის სამინისტროს მიერ გავრცელებული ინფორმაციით, შეხვედრაზე საუბარი შეეხო საქართველოს სოფლის მეურნეობის დარგში არსებულ წინსვლას, მიმდინარე პროექტებს და კონკრეტული მიმართულებებით გამოწვევებს.

შეხვედრაზე ოთარ შამუგიამ აღნიშნა, რომ სოფლის მეურნეობის და, ზოგადად, დარგობრივი განვითარება მეცნიერული კვლევების და ანალიზის გარეშე წარმოუდგენელია. შესაბამისად, მისი თქმით, უმნიშვნელოვანესია გარემოს დაცვისა და სოფლის მეურნეობის სამინისტროს და საქართველოს სოფლის მეურნეობის მეცნიერებათა აკადემიას შორის აქტიური თანამშრომლობა.

„ჩვენი მეცნიერების აქტიური ჩართულობა და მათი რესურსის გამოყენება სოფლის მეურნეობის განვითარების პროცესში განსაკუთრებით მნიშვნელოვანია. საქართველოს სოფლის მეურნეობის მეცნიერებათა აკადემიის წევრებს, წლების განმავლობაში, მნიშვნელოვანი წვლილი შეაქვთ საქართველოს სოფლის მეურნეობის დარგის განვითარებაში. ჩვენ ვთანამშრომლობთ სოფლის მეურნეობის მეცნიერების აკადემიასთან, სამეცნიერო წრეებთან; ასევე, განვსაზღვრავთ, თუ რა სქემით უნდა მოხდეს მათი ჩართვა სამინისტროს კონკრეტულ პროექტებში“, - აღნიშნა ოთარ შამუგიამ.

გარემოს დაცვისა და სოფლის მეურნეობის სამინისტროს ინფორმაციით, შეხვედრაზე, მიწის კონსოლიდაციისა და ბალანსის, მელიორაციის, სასურსათო უსაფრთხოების, ციტრუსისა და მისი კონცენტრატის წარმოების, მარცვლოვანი კულტურების განვითარების, მეცხოველეობის, სუბსიდირების, მექანიზაციის, სახიფათო ნარჩენების მართვის და სხვა არაერთი მნიშვნელოვანი საკითხი განიხილეს.

საქართველოს სოფლის მეურნეობის მეცნიერებათა აკადემიის პრეზიდენტმა, გურამ ალექსიძემ აღინიშნა, რომ მეცნიერებათა აკადემია, სამინისტროსთან გაფორმებული თანამშრომლობის მემორანდუმის ფარგლებში, სხვადასხვა ფორმატში აქტიურ თანამშრომლობას გააგრძელებს. შეჯერებული გადაწყვეტილებების მიღება, ერთი მხრივ, ხელს შეუწყობს ქვეყანაში სასოფლო-სამეურნეო დარგების განვითარებას, მეორე მხრივ, გააძლიერებს მომიჯნავე დარგებს, რაც, საბოლოოდ, ქვეყნის ეკონომიკის წინსვლაზე აისახება.

საქართველოს სოფლის მეურნეობის მეცნიერებათა აკადემიაში გამართულ შეხვედრას გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი, მოადგილე სოლომონ პავლიაშვილი და სამინისტროს შესაბამისი უწყების წარმომადგენლები ესწრებოდნენ.




ავტორი: NS (სტატია დაფინანსებულია),


სოციალური ქსელები
გარემოსდაცვითი ზედამხედველობის დეპარტამენტის თანამშრომლებმა იანვარში უკანონო ტყითსარგებლობის 269 ფაქტი გამოავლინეს
თურქეთსა და სირიაში მიწისძვრის შედეგად დაღუპულთა რიცხვი 15 000-მდე გაიზარდა
ვოლოდიმერ ზელენსკი პარიზში ჩავიდა, სადაც მაკრონსს და შოლცს შეხვდა
მაკრონი: საფრანგეთი უკრაინას გამარჯვებამდე მიიყვანს

ომი უკრაინაში

ვიდეო/LIVE

ლავროვი: დასავლეთის ზეწოლის წინააღმდეგ საქართველოს მთავრობის გამბედაობა პატივსაცემია












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics