კალიფორნიის შტატის ქალაქებში დევისსა და სან-ფრანცისკოში, ქართული ღვინის რიგით მეხუთე ფორუმი ტარდება. ფორუმის ორგანიზატორია საქართველო-ამერიკის ბიზნეს საბჭო, მხარდამჭერები - ღვინის ეროვნული სააგენტო და  ამერიკის შეერთებულ შტატებში საქართველოს საელჩო.

ფორუმის  სამდღიანი პროგრამა მოიცავს „საფერავის ფესტივალს", ქართული ღვინის დეგუსტაციას და სამეცნიერო კონფერენციას. წარმომადგენლობით კონფერენციაში, რომელიც ქალაქ დევისის რობერტ მონდავის ინსტიტუტში იმართება, მონაწილეობას მეცნიერები და ღვინის პროფესიონალები მიიღებენ. 

მიმდინარე წელს, კონფერენციის დღის წესრიგი მოიცავს ისეთ საკითხებს, როგორიცაა: ქართული ღვინო გლობალურ ეკონომიკურ და საბაზრო კონტექსტში, ქართული ღვინის აშშ-ის ბაზარზე დამკვიდრების სტრატეგია, ქართული ღვინის მარკეტინკული პოტენციალი აშშ-ის ბაზარზე, ქართული ღვინის ინდუსტრიის მოკლე მიმოხილვა, ქართული ველური და კულტურული ჯიშების მახასიათებლები და სხვა.

ქართული ღვინის ფორუმს ღვინის ეროვნული სააგენტოს თავმჯდომარე ლევან მეხუზლა ესწრება.

„საქართველოს მეღვინეობასთან არამხოლოდ 8000-წლიანი ისტორია აკავშირებს, არამედ თანამედროვე, განვითარებული ღვინის ინდუსტრია და საუკეთესო ხარისხის მრავალფეროვანი ღვინოები. ხუთი წლის წინ, მსოფლიო სამეცნიერო საზოგადოებამ აღიარა, რომ მეღვინეობის უძველესი კვალი სწორედ საქართველოს ტერიტორიაზეა აღმოჩენილი, საიდანაც ის მთელ მსოფლიოში გავრცელდა. დღეს ქართული ღვინო  განვითარებული, თანამედროვე ინდუსტრიაა. წლიდან წლამდე იზრდება ექსპორტირებული ქართული ღვინის რაოდენობა, საექსპორტო ქვეყნების გეოგრაფია და ღვინის ხარისხი. ამერიკის შეერთებული შტატები ქართული ღვინის სტრატეგიულ და მზარდ ბაზარს წარმოადგენს, მსგავსი მასშტაბის ღონისძიებები კი, ხელს უწყობს ქართული ღვინის ცნობადობისა და საექსპორტო პოტენციალის გაზრდას", - აღნიშნა ლევან მეხუზლამ.

„ქართული ღვინის ფორუმი" აშშ-ში უკვე მეხუთედ იმართება. პირველ ფორუმს, 2018 წელს, ვაშინგტონმა, 2019 წელს კი, ბოსტონმა, ჰარვარდის უნივერსიტეტის ბაზაზე უმასპინძლა; 2020 წელს, COVID-19-ის  პანდემიის გამო, ღონისძიება ონლაინ ფორმატში გაიმართა, ხოლო გასულ წელს, ქალაქ ბოსტონში, დეგუსტაცია-სემინარი „Amber Wine Festival in Boston", ხოლო ქალაქ ფილადელფიაში, ქართული ღვინის დეგუსტაცია ადგილობრივი დისტრიბუტორების, იმპორტიორების, სარესტორნო ქსელებისა და მედიის წარმომადგენლებისთვის ჩატარდა.  ფორუმის დასკვნითი ღონისძიებას წარმოადგენდა კონფერენცია, რომელიც პენსილვანიის უნივერსიტეტში გაიმართა.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა