13 წლის ბიჭი, რომელიც ვაკის პარკში მომხდარი ტრაგედიისას დაშავდა, რეანიმაციულ განყოფილებაშია. 

როგორც „ნიუ ჰოსპიტალსის” ბავშვთა რეანიმატოლოგმა, გიორგი კვიცინაძემ განაცხადა, მოზარდი მედიკამენტური ძილის მდგომარეობაშია, თუმცა ის, რომ  24 საათის განმავლობაში მდგომარეობა არ გაუარესდა, მნიშვნელოვანია.

“ჯერ-ჯერობით იმყოფება ისევ მართვით სუნთქვაზე, მედიკამენტური ძილის მდგომარეობაში. ჰქონდა ცხელების ეპიზოდი, თუმცა ამჯერად ტემპერატურა ნორმის ფარგლებშია, ჩაუტარდა კვლევები, ამ დრომდე თავის ტვინის რაიმე პათოლოგია არ აღინიშნება და ის რომ პირველი 24 საათის განმავლობაში მდგომარეობა არ გაუარესდა ეს მნიშვნელოვანია. ტრასპორტირებას რაც შეეხება, გარკვეული რისკები იქნება, იმიტომ რომ პაციენტი იმყოფება მართვით სუნთქვაზე, თუმცა საჭიროების შემთხვევაში, ტრანსპორტირება გამორიცხული არ არის”, - განაცხადა ექიმმა. 

შეგახსენებთ, რომ გუშინ, ახლად გახსნილ ვაკის პარკის მრგვალ შადრევანში სკოლის 3 მოსწავლე ჩავარდა. როგორც თვითმხილველები ჰყვებიან, მერვე კლასელ გოგონას თამაშის დროს ბურთი შადრევანში ჩაუვარდა, რომლის ამოღების მცდელობისას, დენმა დაარტყა. ექიმების მისვლამდე მის გადასარჩენად ორი თანატოლი ბიჭი ეცადა.  

ექიმებმა 13 წლის გოგონას გადარჩენა ვერ შეძლეს, მძიმეა მისი თანატოლის მდგომარეობაც. რაც შეეხება მესამე მოზარდს, 13 წლის ბიჭი იაშვილის კლინიკაში გადაიყვანეს, სადაც მართვის სუნთქვაზე იმყოფება.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია