პრაღაში გამართულ მინისტერიალში საქართველოს გარემოს დაცვისა და სოფლის მეურნეობის მინისტრმა, ოთარ შამუგიამ მიიღო მონაწილეობა.

გარემოს დაცვისა და სოფლის მეურნეობის სამინისტროს ინფორმაციით, ჩეხეთის რესპუბლიკა მინისტერიალს ევროკავშირის საბჭოს პრეზიდენტი ქვეყნის სტატუსით მასპინძლობდა.

„მინისტერიალზე, რომელშიც მონაწილეობა ევროკავშირის წევრი ქვეყნების მინისტრებმა, ევროკომისარმა სოფლის მეურნეობის საკითხებში და ევროკავშირის სტრუქტურების მაღალი თანამდებობის პირებმა მიიღეს, სასურსათო უსაფრთხოების და მისი დაძლევის გზები განიხილეს.

მინისტერიალზე სიტყვით გამოვიდა საქართველოს გარემოს დაცვისა და სოფლის მეურნეობის მინისტრი ოთარ შამუგია, რომელმაც საქართველოს ევროინტეგრაციის გზაზე არსებულ პროგრესზე ისაუბრა და ამ პროცესში ევროკავშირის მხარდაჭერის განსაკუთრებულ მნიშვნელობაზე გაამახვილა ყურადღება.

მინისტერიალის ფარგლებში, მონაწილეებმა არსებული გამოწვევების დასაძლევად კოორდინირებული მოქმედებების მნიშვნელობაზე იმსჯელეს.

მონაწილეებმა აღნიშნეს, რომ მიესალმებიან საქართველოს, მოლდოვას და უკრაინის ევროპულ მისწრაფებებს და მადლობა გადაუხადეს ღონისძიებაში მონაწილეობის მიღებისთვის.

ჩეხეთის რესპუბლიკაში გამართულ მინისტერიალს გარემოს დაცვისა და სოფლის მეურნეობის მინისტრის მოადგილე ნინო თანდილაშვილი ესწრებოდა“,- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია