2022-06-17 14:11:56, 1091 ნახვა
საზოგადოება
ვაკეში, კეკელიძის ქუჩაზე ბინიდან ოჯახს ასახლებენ - ადგილზე დაპირისპირებაა
თბილისში, კეკელიძის ქუჩაზე ხმაურია, ერთ-ერთი კორპუსიდან ოჯახს ასახლებენ. ადგილზე აღსრულების ბიურო და პოლიციაა მობილიზებული.
არსებული ინფორმაციით, აღსრულების სამსახური ბინაში შესვლას რკინის კარის გაჭრით ცდილობს, სადაც 3 თვის ბავშვი ჰყავთ.
„მქონდა 20 000 დოლარი ვალი, გადახდილი მაქვს სადღაც 84 000 და ახლა გვასახლებენ იმიტომ, რომ თურმე მევახშის ვალი მაქვს. რამდენიმე თვე გადამიცილდა და აუქციონზე გაიტანა და შეიძინა. 3 თვის ბავშვი მყავს და უნდათ, რომ გამოასახლონ“,- განაცხადა დაზარალებულმა ოჯახმა.
ამასთან მეპატრონე ამბობს, რომ 2008 წელს ბინა დატვირთეს იპოთეკური სესხით, რომელსაც 2013 წლამდე იხდიდნენ, რის შემდეგაც ბანკის თანამშრომლებმა ურთიერთობის გაგრძელება კერძო მევახშესთან ურჩიეს.
ავტორი: ექსპრესნიუსი,
epn.ge (@expressnews.ge)
