2022-04-18 15:19:40, 792 ნახვა
საზოგადოება
ზურაბ აზარაშვილი: ბინით თუ სახლით, 13 000-მდე დევნილ ოჯახს დავაკმაყოფილებთ
„დევნილებისთვის პირობა გვაქვს მიცემული და მომდევნო 3 წლის განმავლობაში, დავაკმაყოფილებთ 13 000-მდე ოჯახს, ბინით თუ სახლით“, - ეს განცხადება ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, მთავრობის ადმინისტრაციაში, ჟურნალისტებთან საუბრისას გააკეთა.
ზურაბ აზარაშვილის თქმით, 6 000 ოჯახი ჩაერთვება პროექტში „სოფლად სახლი“. რაც შეეხება დანარჩენ 7 000 ოჯახს, ისინი ბინას თანამედროვე სტანდარტების, ახალაშენებულ საცხოვრებელ კორპუსებში მიიღებენ.
„ამ პროექტს მომდევნო კვირიდან გამოვაცხადებთ, სამშენებლო კომპანიები უკვე შეძლებენ მასში ჩართვას და მომდევნო 3 წლის განმავლობაში, 7 000 დევნილ ოჯახს ახალ საცხოვრებელს გადავცემთ. ამ პროექტის ბიუჯეტი, ჯამურად, 700 მილიონი ლარია “, - განაცხადა ზურაბ აზარაშვილმა.
ავტორი: NS (სტატია დაფინანსებულია),
epn.ge (@expressnews.ge)
