ფიფამ და უეფამ  რუსეთის ყველა საფეხბურთო კლუბსა და  ქვეყნის ეროვნულ გუნდს  შეჯიბრებში მონაწილეობა შეუჩერეს.

შესაბამისი გადაწყვეტილებები დღეს ფიფას საბჭომ და უეფას აღმასრულებელმა კომიტეტმა მიიღეს, იუწყება უეფას ოფიციალური ვებგვერდი.

"ფეხბურთი აქ არის სრულიად ერთიანი და სრული სოლიდარობით უკრაინაში ყველა დაზარალებულთან. FIFA-ს და UEFA-ს პრეზიდენტები იმედოვნებენ, რომ სიტუაცია უკრაინაში მნიშვნელოვნად და სწრაფად გაუმჯობესდება", - ნათქვამია წერილში.
"გარდა ამისა, უეფა წყვეტს სპონსორობის კონტრაქტს რუსულ გაზის მონოპოლურ გაზპრომთან.
გადაწყვეტილება ძალაშია დაუყოვნებლივ და ვრცელდება ყველა არსებულ ხელშეკრულებაზე, მათ შორის უეფას ჩემპიონთა ლიგაზე, უეფას ეროვნული ნაკრების შეჯიბრებებზე და ევრო 2024-ზე." - ნათქვამია განცხადებაში.
FIFA-მ წინა დღეს აკრძალა რუსეთის დროშისა და ჰიმნის გამოყენება საერთაშორისო მატჩებში, რომელშიც მონაწილეობდნენ რუსეთის საფეხბურთო კავშირის გუნდები უკრაინაში მისი სამხედრო შეჭრის გამო.
მანამდე, 25 თებერვალს, უეფას აღმასრულებელმა კომიტეტმა მიიღო გადაწყვეტილება, ჩამოერთვას რუსეთს ჩემპიონთა ლიგის ფინალის მასპინძლობის უფლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა