„ჯანმო”-ს ევროპის რეგიონულმა დირექტორმა ქართველ სამედიცინო პერსონალს, პანდემიის წინააღმდეგ გაწეული შრომისთვის, მადლობა გადაუხადა. -ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, ჰანს კლუგემ  წერილი და სპეციალური ჯილდო ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტოში გამოგზავნა.

„აღსანიშნავია, რომ „ჯანმო“-მ 2021 წელი, მსოფლიოში, სამედიცინო პერსონალის საერთაშორისო წლად გამოაცხადა. სწორედ ამ მოვლენის აღსანიშნავად შეიქმნა სპეციალური ჯილდო, რომელიც ქართველმა სამედიცინო პერსონალმა ჰანს კლუგესგან მიიღო. 2021 წელი ძალიან მძიმე იყო როგორც ფიზიკური, ისე მორალური კუთხით ევროპისა და ზოგადად, მთელი მსოფლიოსთვის. COVID-19-ის პანდემია ნამდვილი გამოცდა და წარმოუდგენელი ტვირთი აღმოჩნდა ჩვენი ჯანდაცვის სისტემების, თუ - სამედიცინო პერსონალისთვის“, - ნათქვამია წერილში.

ჰანს კლუგეს თქმით, მედპერსონალი თავდაუზოგავად ებრძვის ინფექციას და ჰოსპიტალიზაციის შემთხვევებს. ამ დროს კი, მათი ჯანმრთელობა, მუდმივად რისკის ქვეშ დგას. 

„გამოჩენილი ერთგულებისთვის, თავდადებისთვის და თავდაუზოგავი შრომისთვის,  მინდა ეს ჯილდო, თქვენი სამინისტროს საშუალებით, გადავცე მედპერსონალს.

მინდა, გთხოვოთ, სამედიცინო სფეროში დასაქმებულ ადამიანებს მიაწოდოთ ეს ინფორმაცია მათდამი მადლიერებისა და აღიარების ნიშნად“, - აღნიშნულია წერილში.

ავტორი: NS (სტატია დაფინანსებულია),

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება