2021-12-17 13:46:24, 468 ნახვა

---

რატი ბრეგაძე ოპოზიციაზე - ვიფიქრე, რომ დაგვებედებოდა კონსტრუქციულ რეჟიმში საუბარი, მაგრამ სამწუხაროდ ეს მათი სურვილი არ არის

,,ძალიან დიდი იმედი მქონდა, რომ გარკვეული ოპოზიციის ნაწილი კონსტრუქციულ რეჟიმში საუბარს მოისურვებდა, მაგრამ ვხედავთ დარბაზის ცარიელ ნაწილს" - ამის შესახებ იუსტიციის მინისტრმა, რატი ბრეგაძემ საქართველოს პარლამენტში, ,,მინისტრის საათის" ფარგლებში განაცხადა.

რატი ბრეგაძის თქმით, ოპოზიციის ნაწილის სურვილი არ არის ცივილური ფორმებით ურთიერთობა.

,,ჩვენ სამწუხაროდ ვაკვირდებით, რომ დარბაზის გარკვეული ნაწილი ცარიელია, არადა, ძალიან იმედი მქონდა, რომ თუნდაც დღევანდელ დღეს ვიხილავდით გარკვეული ოპოზიციის წარმომადგენლებს და ვიფიქრე, რომ დაგვებედებოდა კონსტრუქციულ რეჟიმში საუბარი, მაგრამ სამწუხაროდ ეს მათი სურვილი არ არის, რომ ჩვენ ერთმანეთთან გვქონდეს ცივილური ფორმებით, კითხვა პასუხის რეჟიმში საუბრის შესაძლებლობა. ბუნებრივია, ეს მათი გადაწყვეტილებაა" - განაცხადა რატი ბრეგაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი