"ნაციონალური მოძრაობის" ერთ–ერთმა ლიდერმა, ლევან ხაბეიშვილმა გუშინ საქალაქო სასამართლოსთან, მიხეილ სააკაშვილის სასამართლო პროცესის პარალელურად მიმდინარე საპროტესტო აქციაზე განვითარებულ მოვლენებთან დაკავშირებით საგანგებო ბრიფინგი გამართა.

როგორც ხაბეიშვილმა აღნიშნა, გუშინ პოლიციის ფორმაში გადაცმული განსაკუთრებულ დავალებთა დეპარტამენტის თანამშრომლები, ე.წ რობოკოპები, ფიზიკურად გაუსწორდნენ მშვიდობიან მოქალაქეებს, ამასთანავე ჟურნალისტებსა და ოპერატორებს.

ლევან ხაბეიშვილმა საერთაშორისო პარტნიორებსა და სახალხო დამცველს მოუწოდა, დაინტერესდნენ გუშინ განვითარებული მოვლენებით. 

"გუშინ კიდევ ერთხელ ვიხილეთ როგორ გადააქციეს პოლიცია პოლიტიკური დავალების შემსრულებად, პოლიცია არ იცავს მოქალაქეს, პოლიცია არ იცავს კანონს, ისინი ასრულებენ პოლიტიკურ დავალებებს და რა თქმა უნდა, ისინი იცავენ რუსი ოლიგარქის ინტერესებს. ჩვენ გუშინ ვიხილეთ, როგორ გაუსწორდნენ ფიზიკურად მშვიდობიან მანიფესტანტებს, მათ შორის ჟურნალისტებსა და ოპერატორებს. ასევე ვიხილეთ სასამართლოს ეზოს წინ განლაგებული პოლიციელების არმია, რომელიც შესაძლებლობას არ აძლევდა მშვიდობიან მოქალაქეებს, ყოფილიყვნენ სასამართლოს ეზოში. ხაზს ვუსვამ, ესენი არ იყვნენ საპატრულო პოლიციის თანამშრომლები, ესენი იყვნენ პოლიციის ფორმაში გადაცმული განსაკუთრებულ დავალებათა დეპარტამენტის ე.წ. რობოკოპები, სპეცრაზმელების წარმომადგენლები.

ჩვენ ასეთი პოლიტიკური სამართალის გამო, ასეთი დიქტატორული რეჟიმის გამო, მივმართავთ მათ შორის ჩვენ პარტნიორებს, დაინტერესდნენ გუშინ განვითარებულო მოვლენებით, მათ შორის ადმინისტრაციული დაკავებით, მათ შორის სისხლის სამართლის საქმით, რომელსაც აპირებენ აღძრან ბაჩო თამლიანზე და წაუყენონ ბრალი. ასევე, მოვუწოდებ სახალხო დამცველს, დაინტერესდეს ამ საქმეებით, ასევე, ვპირდები თითოეულ ზონდერს, "ხარებას" და ზვიად ჭოხონელიძის პირად ზონდერებს, ანუ ივანიშვილის პირად ზონდერებს, რომ თავად იქნებით პასუხისმგებელი ამ ძალადობრივ აქტზე, რომელსაც შალვა ბედოიძე, შსს-ს მოადგილე თაობდა გუშინ", – განაცხადა ლევან ხაბეიშვილმა.

ავტორი: ექსპრესნიუსი,

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ