12:12 - 18 Jan, 2022
2021-11-30 14:48:36, 503 ნახვა

საზოგადოება
ბერლინის ნატურალური ღვინის გამოფენაზე ქართული ღვინო გერმანიის საბაჟომ შეაჩერა, მიუხედავად ამისა იგი გამოფენაზე მაინც მოხვდა

ბერლინში 28 ნოემბერს ნატურალური ღვინის გამოფენა გაიმართა, რომელშიც საქართველოდან 15-მდე ღვინის მარანი მონაწილეობდა. ქართველი მეღვინეების ინფორმაციით, „ღვინის ეროვნულ სააგენტოს“ საგამოფენო ღვინის ტრანსპორტირება უნდა უზრუნველეყო.

"ექსპრესნიუსმა" გაარკვია, რომ ღვინის მარნების წარმოებული ნატურალური ღვინო, გერმანიის საბაჟო სამსახურმა გააჩერა, უწყებამ მიზეზად დაასახელა, ის რომ პანდემიის დროს, ნატურალური პროდუქცია კვლევას საჭიროებს და მხოლოდ მას შემდეგ შევა ქვეყანაში. 
ვინაიდან საქართველოდან 15-მდე კერძო მარანის ღვინო წავიდა რაოდენობაში გერმანიის საბაჟო სამსახურმა, ჩათვალა რომ ღვინო დიდი ოდენობის იყო და დამატებით პროცედურებს საჭიროებდა. ამასთან "ექსპრესნიუსის" ინფორმაციით, რამდენიმე ღვინის მარანმა, ერთი ან ორი ყუთი ღვინის ნაცვლად, რომელიც დეგუსტაციისთვის საკმარისია, ათი და მეტი ყუთი ღვინო გააგზავნა, რაც ასევე გახდა საბაჟოზე დაყოვნების მიზეზი.
"ღვინის ეროვნულ სააგენტოს" არც კანონმდებლობით და არც აქტებით, არ ევალება კერძო მარნებისგან სხვადასხვა ღვინის გამოფენაზე პროდუქციის ტრანსპორტირება. მიუხედავად ამისა, უწყება მუდმივად ჩართულია მეღვინეებთან ტრანსპორტირების საკითხში. ლოჯისტიკა ქართვველ მეღვინეებს სახელმწიფოზე აქვთ დაკისრებული, თავად კი არ თვლიან საჭიროდ საერთაშორისო მნიშვნელობის გამოფენაზე ღვინო თავისი ხარჯებით, მინიმალური რაოდენობის მაიც ჩაიტანონ.
მიუხედავად ამისა, ბერლინში გამართულ ნატურალური ღვინის გამოფენაზე ქართული ღვინოები დეგუსტაციისთვის წარმოდგენილი იყო. გიორგი დავითაია, რომელიც ბერლინში ცხოვრობს "ექსპრესნიუსს" უყვება, რომ ქართული ღვინის სტენდები დახუნძლული იყო სხვადასხვა ნატრუალური ღვინოებით და დეგუსტატორთა მსურველიც ბევრი იყო. 
RAW WINE -ს წარმომადგენლები, აცხადებენ, რომ კოვიდ ვითარების გამოფენის ორგანიზებასთან პრობლემები ჰქონდათ, მათი თქმით, გამოფენის გახსნის ბოლო წუთას მოუხდათ ბევრი რამის შეცვლა.
რაც შეეხება 15 ღვინის მარნის ღვინოებს, გერმანიიის საბაჟო სამსახური, მას უკან დააბრუნებს. სამსახური მიანიშნებს, რომ რამდენიმე ღვინოს აისო სერთიფიკატიც არ ქონდათ.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
კომენტარები

კორონავირუსი - ყველა სიახლე

2022-01-18 12:05:50

ამირან გამყრელიძე – არ უნდა გავთამამდეთ და ვთქვათ, რომ „ომიკრონია“, გადავიტან როგორც სურდოს, ისიც იწვევს გართულებას

2022-01-18 12:02:04

ამირან გამყრელიძე – ქვეყანაში დადებითი შემთხვევების 50% „ომიკრონია“, ყველაზე მაღალი ინციდენტობა თბილისშია

2022-01-18 11:54:57

საკოორდინაციო – „ომიკრონის“ გამო, ინფიცირების შემთხვევები იზრდება, თუმცა ჰოსპიტალური სექტორის დატვირთვა არაა გაზრდილი

2022-01-18 11:47:13

თამარ გაბუნია - დადასტურებულია „ომიკრონის"​ 1 200-ზე მეტი შემთხვევა, ჰოსპიტალიზაცია 14 პაციენტს დასჭირდა

2022-01-18 11:43:21

თამარ გაბუნია – მიუხედავად შემთხვევების მატებისა, ჰოსპიტალურ სექტორზე ზეწოლა არ აღინიშნება

ვიდეო/LIVE

საპროტესტო აქცია საქალაქო სასამართლოსთან












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics