დღეს იყო ისტორიული პროცესი, ეს ფურცელი საქართველოს ისტორიაში ჩაიწერება, როგორც ღალატი, - ამის შესახებ საქართველოს მესამე პრეზიდენტის, მიხეილ სააკაშვილის ადვოკატმა, ბექა ბასილაიამ 7 ნოემბრის საქმეზე სასამართლო სხდომის დასრულების შემდეგ, ჟურნალისტებს განუცხადა.

როგორც ბასილაიამ აღნიშნა, სასამართლომ კვლავ არ მისცა მიხეილ სააკაშვილს სატელეფონო ზარის განხორციელების უფლება და განაცხადა, რომ ხელისუფლების ამოცანაა მიხეილ სააკაშვილის იზოლაცია.

„დღეს იყო ისტორიული პროცესი, თუმცა სამწუხაროდ, ეს ფურცელი საქართველოს ისტორიაში ჩაიწერება, როგორც ღალატის კიდევ ერთი ფურცელი. საქართველოს მესამე პრეზიდენტის გასამართლება, მისი ამ ფორმით წარმოდგენა საქართველოში დაბრუნებულის, არის ქართული ისტორიის სირცხვილი. დღესაც, მიხეილ სააკაშვილს არ მიეცა შესაძლებლობა სატელეფონო საუბრების უფლება აღედგინა და მან კვლავ ისე უნდა გააგრძლოს გორის ჰოსპიტალში ყოფნა, რომ სატელეფონო ზარის განხორციელების უფლება არ მიეცეს. ამ საკითხისს სამართლებრივი ასპექტი მეათეხარისხოვანია, იმიტომ რომ, რეალურად ხელისუფლების ამოცანააა მიხეილ სააკაშვილის იზოლაცია. კიდევ ერთხელ მოხდა ლუსტრაცია, რომ ქართული მართლმსაჯულება მართლმსაჯულების განხორციელებაზე უარს ამბობს, თუკი საკითხი წინასწარ არის მწვანე ანთებული ბრეგაძის მხრიდან“, - განაცხადა ბექა ბასილაიამ.

ავტორი: ექსპრესნიუსი,

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ