ქართული ოცნების დეპუტატი, კახა კახიშვილი სკოლებისა და საბავშვო ბაღების შენობებზე სახელმწიფო დროშისა და გერბის განთავსებას ითხოვს. კახიშვილმა წარადგინა კანონპროექტი, რომლის მიღების აუცილებლობასაც "ახალგაზრდა თაობაში ეროვნული სულისკვეთების" გაღრმავებით ხსნის.

"აღნიშნული კანონპროექტის მომზადების საფუძველი გახდა ის, რომ ჩემი აზრით, საჭიროა ჩვენს ახალგაზრდა თაობაში ეროვნული სულისკვეთების უფრო მეტად გაღრმავება და სახელმწიფო სიმბოლოების მიმართ პატივისცემის მიჩვევა ბავშვობის ასაკიდან. ჩვენ, ყველას, როდესაც საზღვარგარეთ დავდივართ, ევროპულ ქალაქებში, ამერიკის შეერთებულ შტატებში, ძალიან მოგვწონს, რომ კერძო სახლებზეც კი სახელმწიფო დროშებია გამოფენილი და ეს ადამიანები უვლიან თავისი ქვეყნის სიმბოლოს და უბრალოდ უხარია თვალს, რომ მიდიხარ და ხედავ, რომ დროშის მიმართ ასეთი პატივისცემა აქვთ მოქალაქეებს. სამწუხაროდ, ამით ვერ ვიტრაბახებთ საქართველოში", — აცხადებს ის.

გარდა ამისა, კანონპროექტის განმარტებითი ბარათის მიხედვით, სავალდებულო უნდა გახდეს სკოლებსა და ბაღებში სახელმწიფო ჰიმნის ტექსტის თვალსაჩინო ადგილას განთავსებაც. დოკუმენტში ვკითხულობთ, რომ ცვლილების შემდეგ ერთ დაწესებულებას დამატებითი ხარჯი წლის განმავლობაში ექნება დაახლოებით150 ლარის ფარგლებში.

"ვფიქრობ, კარგი იქნება, თუ საბავშვო ბაღიდან დაიწყება სახელმწიფო სიმბოლოების მიმართ პატივისცემის დანერგვა ჩვენს მომავალ თაობებში. ბუნებრივია, ეს თავის ეფექტს იქონიებს და როდესაც ბავშვი საბავშვო ბაღის ასაკიდან, სკოლაში მიეჩვევა იმას, რომ პატივი უნდა სცეს სახელმწიფო დროშას, სახელმწიფო სიმბოლოებს, ის უკვე სხვა სტრუქტურით გაიზრდება, ამ სულისკვეთებით და უფრო მეტად იქნება ჩვენი პატარა ქვეყანა შეკრული. როდესაც ბავშვობის ასაკიდან ის მიეჩვევა იმას, როგორ უნდა სცეს დროშას პატივი, ჰიმნს და სიმბოლოებს, მერე შეიძლება სახლშიც მოითხოვოს, რომ დედა, მინდა, დროშა მიყიდო და საკუთარ სახლშიც გამოფინოს ის დროშა და მოუარონ", — განაცხადა საპროცედურო საკითხთა კომიტეტის სხდომაზე კახა კახიშვილმა.

ამასთან, დეპუტატის თქმით, შენობებზე, სადაც სახელმწიფო სიმბოლოები ამ ჟამად არის აღმართული, დროშები მოუვლელია და არ არსებობს ადამიანი, რომელიც პასუხისმგებელია იმაზე, რომ ის სუფთა იყოს და არა "დაჭმუჭნული და ჩამოხეული". კახიშვილის აზრით, კანონში ცვლილებების შეტანა ამ პრობლემასაც დაარეგულირებს.

"შევხედოთ, რა დღეშია დროშები. ზოგჯერ გადიხარ გამგეობასთან, უყურებ და ამ გამგეობას საერთოდ პატრონი ჰყავს? ასეთი გერბი როგორ შეიძლება იყოს ასეთი ცენტრალურ ფასადზე განთავსებული, რა სახით შედის გამგებელი. ამას ყველაფერს უყურებს და გული არ შესტკივა ამაზე და ერთი ბრძანება არ გასცა, რომ განაახლონ ან გერბი ან გახუნებული დროშა. ეგეთი ადამიანი საერთოდ არ უნდა იყოს იმ შენობაში, მე რომ მკითხო", — განაცხადა მან კომიტეტის სხდომაზე.

კომიტეტის თავმჯდომარე და წევრები კანონპროექტის "სულისკვეთებას" დაეთანხმნენ, თუმცა აქვთ რეკომენდაციები, რის შედეგადაც სხდომაზე გადაწყდა, რომ ინიციატივის ავტორი კომიტეტის წარმომადგენლებთან ერთად ამ საკითხებს განიხილავს და ცვლილებას ისევ წარადგენს.

ავტორი: ექსპრესნიუსი,

სოციალური ქსელები

აშშ-მ ირანს ჰორმუზის სრუტეში თავდასხმების შესაჩერებლად ვადა დაუწესა

„1000 რაკეტა მზადაა“: ტრამპი, მისი მკვლელობის მცდელობის შემთხვევაში, ირანის განადგურებით იმუქრება

ზელენსკიმ რუსეთისთვის „შორი მოქმედების სარდლობის“ შექმნის შესახებ განაცხადა

ამერიკელმა სენატორები თეთრ სახლთან შეთანხმდნენ რუსეთის წინააღმდეგ „ჯოჯოხეთური სანქციების“ შესახებ კანონპროექტზე