2021-11-26 15:36:49, 1200 ნახვა

---

ანრი ოხანაშვილი: „ენმ“-ს სურს, მოქალაქეების ინტერესებზე ორიენტირებულ ბიუჯეტს საბოტაჟი გამოუცხადოს - ამის უფლება არ მიეცემათ

საპარლამენტო უმრავლესობის წევრი ანრი ოხანაშვილი დღეს, ზუგდიდსა და ბათუმში 2022 წლის ბიუჯეტის დამტკიცების პარალელურად ოპოზიციის პროტესტს ეხმაურება.

როგორც ოხანაშვილი აღნიშნავს, პროცესები, რომელიც მიმდინარეობს საკრებულოში, სრულად შეესაბამება საქართველოს კანონმდებლობას.

ამასთანავე, ოხანაშვილის თქმით, „ნაცმოძრაობას“  საბოტაჟის საშუალება არ მიეცემა.

"ის პროცესები, რომელიც მიმდინარეობს საკრებულოებში, სრულად შეესაბამება საქართველოს კანონმდებლობას. საქართველოს საარჩევნო კოდექსის 135-ე მუხლის თანახმად, სავსებით ლეგიტიმურად, სრული უფლება აქვთ საკრებულოებს, განახორციელონ ის საქმიანობა, რომელიც მათ კანონით აქვთ მინიჭებული, იქამდე, ვიდრე ახალი საკრებულო განახორციელებს თავის საქმიანობას.

პოლიტიკურად, "ნაციონალურ მოძრაობას", როდესაც სურთ მოქალაქეების ინტერესებზე ორიენტირებულ ბიუჯეტს საბოტაჟი გამოუცხადონ, მათ ამ საბოტაჟის საშუალება არ მიეცემათ,"- განაცხადა ანრი ოხანაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი