2021 წლის 10 ნოემბერს სასამართლომ გადაწყვიტილების მიხედვით, ,  საქართველოს მთავრობამ 39-ე მუხლის შესაბამისად უნდა  აცნობოს  მომჩივნის  (მიხეილ სააკაშვილი) ამჟამინდელი ჯანმრთელობის მდგომარეობის შესახებ სასამართლოს, უზრუნველყოს მისი ციხეში უსაფრთხოებასა და შიმშილობის შემდგომ პერიოდში მისთვის შესაბამისი სამედიცინო დახმარების გაწევა. -ამის შესახებ სტრასბურგის ადამიანის უფლებათა ევროპულმა სასამართლოს მიერ გავრცელებულ განცხადებასია ნათქვამი.

მათივე ცნობით,  საჩივარი ევროპულ სასამართლოში 2021 წლის 10 ნოემბერს შევიდა

 „სააკაშვილი სასჯელს იხდის 2021 წლის პირველი ოქტომბრიდან, თანამდებობაზე ყოფნის დროს ჩადენილი რამდენიმე დანაშაულისთვის. იგი მიიჩნევს, რომ ბრალდებები არის „პოლიტიკურად მოტივირებული“ და მას შემდეგ შიმშილობს, ამ მოთხოვნის მიღების დროისთვის, სულ 41 დღე.

მას ორჯერ ჩაუტარდა გამოკვლევა სამედიცინო კონსილიუმის მიერ, რომლებმაც დაადასტურეს, რომ ის შიმშილობს, ღებულობს მხოლოდ სითხეებს, ვიტამინებს და დაკარგა სხეულის მასის 10%, თუმცა მისი ჯანმრთელობის რაიმე სერიოზული გაუარესება არ დაფიქსირებულა.

სააკაშვილმა სასამართლოსგან სამოქალაქო საავადმყოფოში გადაყვანა მოითხოვა, მაგრამ მოთხოვნა უარყვეს.

სააკაშვილი ამტკიცებდა, ხელისუფლებამ არ გადასცა სამედიცინო ბარათი, რომ ციხის საავადმყოფო არ იყო სათანადოდ აღჭურვილი მისი საჭიროებების დასაკმაყოფილებლად და იქ მისი უსაფრთხოება ვერ იქნება გარანტირებული. ამგვარად, მან მე-2 (სიცოცხლის უფლება) და მე-3 (არაადამიანური და ღირსების შემლახველი მოპყრობის აკრძალვა) მუხლებზე დაყრდნობით მოითხოვა მულტიფუნქციურ სამოქალაქო საავადმყოფოში გადაყვანა, რასაც რეკომენდაციას უწევს სამედიცინო საბჭო, საქართველოსა და უკრაინის სახალხო დამცველები. საჩივარი ევროპულ სასამართლოში 2021 წლის 10 ნოემბერს შევიდა“, – ნათქვამია განცხადებაში.

სასამართლოს განცხადების მიხედვით, მათ მოუწოდეს მიხეილ სააკაშვილს შეწყვიტა შიმშილობა.

განცხადებაში  ასევე აღნიშნულია დროებითი ზომები, რომელიც შესაძლოა სახელმწიფოს დაეკსიროს.აღნიშნული ზომები, გამოიყენება მხოლოდ მაშინ, როდესაც არსებობს გამოუსწორებელი ზიანის გარდაუვალი რისკი.

„სასამართლომ მოუწოდა განმცხადებელს შეეწყვიტა შიმშილობა. მან ასევე შესთავაზა მხარეებს  წარადგინონ წარმომადგელები ორ კვირაში (2021 წლის 24 ნოემბრამდე). სასამართლოს რეგლამენტის 39-ე წესით განსაზღვრული ზომები მიიღება სასამართლოს განხილვამდე და არ განაპირობებს შემდგომ გადაწყვეტილებებს საქმის დასაშვებობასა თუ არსებითად საქმეზე. სასამართლო მსგავს თხოვნებს აკმაყოფილებს ბოლო განსაკუთრებულ შემთხვევებში, როდესაც აპლიკანტი სხვა შემთხვევაში დადგება გამოუსწორებელი ზიანის მიღების რეალური საფრთხის წინაშე“ - აღნიშნულია განცხადებაში.

ავტორი: ექსპრესნიუსი,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის