დღეს ჩვენს ქვეყანას სჭირდება ევოლუცია და არა თითიდან გამოწოვილი რევოლუცია, – ამის შესახებ უმრავლესობის ერთ–ერთმა წევრმა, ირაკლი ქადაგიშვილმა პარლამენტის პლენარულ სხდომაზე, სიტყვით გამოსვლისას განაცხადა.

ქადაგიშვილმა მოუწოდა ოპოზიციას, შეწყვიტონ ბოიკოტი და შიმშილობა, იმუშავონ პარლამენტში, რათა მიიღონ რეალური გადაწყვეტილებები.

„ორი არჩევნები ჩატარდა საქართველოში, ოპოზიციამ ორივე არჩევნები წააგო, მაგრამ მიუხედავად ამისა, ისინი არ აჩერებენ მცდელობას, რომ ქვეყანა დესტაბილიზაციაში შეიყვანონ. ეს არის ჰიბრიდული ომის ყველაზე ნათელი მაგალითი, როდესაც დღეს, გარკვეული დეპუტატები ტოვებენ მანდატს, იმ მანდატს, რომელიც ხალხმა მიანიჭა და დესტრუქციული ქმედებებისკენ მოუწოდებენ საზოგადოებას. კიდევ ერთხელ, მინდა აღვნიშნო, რომ ჩვენ, როგორც სახელმწიფო, „ქართული ოცნება“, არავითარ შემთხვევაში არ მისცემს არავის საშუალებას, რომ ეს სცენარები საქართველოში განხორციელდეს და მისცემს. ჩვენს ქვეყანას ევოლუცია სჭირდება და არა თითიდან გამოწოვილი რევოლუცია, რომელსაც უბედურების მეტი ჩვენი ქვეყნისთვის არაფერი მოუტანია. გამომდინარე აქედან, მოვუწოდებ ყველას, რომ ბოიკოტის ნაცვლად, შიმშილობის ნაცვლად, იმუშავონ პარლამენტში და მივიღოთ რეალური გადაწყვეტილებები“, – განაცხადა ირაკლი ქადაგიშვილმა.

ავტორი: ექსპრესნიუსი,

სოციალური ქსელები

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ