2021-11-15 16:58:28, 761 ნახვა
პოლიტიკა
საპატრულო პოლიციის ხელმძღვანელი - არავის მივცემთ შესაძლებლობას მოახდინოს ქალაქის პარალიზება და კოლაფსი
საპატრულო პოლიციის დეპარტამენტის უფროსის ვაჟა სირაძის განცხადებით, „ნაციონალური მოძრაობის“ აქციის პარალელურად პოლიციის მობილიზება საზოგადოებრივი წესრიგის დაცვას ემსახურება.
როგორც სირაძემ აღნიშნა, სამართალდამცველები არავის მისცემენ შესაძლებლობას, მოახდინონ ქალაქის პარალიზება და კოლაფსი.
"შსს-მ გააკეთა განცხადება ამ ყველაფრის თაობაზე და ყველას განუმარტა „შეკრებებისა და მანიფესტაციების“ შესახებ კანონი. ამასთან განუმარტა ისიც, თუ რა არის სამართალდარღვევა და რა არ არის. სწორედ ამისთვისაა აქ პოლიცია და პოლიცია სამართალდარღვევის შემთხვევაში, კანონით გათვალისწინებულ, შესაბამის, მყისიერ ზომებს მიიღებს. არავის მივცემთ შესაძლებლობას მოახდინოს ქალაქის პარალიზება და კოლაფსი“, - განაცხადა ვაჟა სირაძემ.
ავტორი: ექსპრესნიუსი,
epn.ge (@expressnews.ge)
