2021-11-12 15:56:31, 873 ნახვა
პოლიტიკა
იუსტიციის სამინისტროსთან, სადაც ოპოზიცია საპროტესტო აქციას მართავს, ხმაური და დაპირისპირება იყო
იუსტიციის სამინისტროსთან, სადაც "ნაციონალური მოძრაობის" ორგანიზებით საპროტესტო აქცია მიმდინარეობს, ხმაური და დაპირისპირება იყო.
დაპირისპირება მას შემდეგ დაიწყო, რაც "ნაციონალური მოძრაობის" რამდენიმე წევრმა იუსტიციის მინისტრთან, რატი ბრეგაძესთან შეხვედრა მოითხოვა, რისი საშუალებაც მათ სამართალდამცველებმა არ მისცეს.
შეგახსენებთ, რომ "ნაცმოძრაობის" ორგანიზებით დღეს საპროტესტო აქციები ორ ლოკაციაზე, იუსტიციისა და ჯანდაცვის სამინისტროებთან მიმდინარეობს. ოპოზიციონერი დეპუტატები მინისტრებთან შეხვედრას ითხოვენ, რათა საქართველოს მესამე პრეზიდენტის, მიხეილ სააკაშვილის მრავალპროფილურ კლინიკაში გადაყვანა მოითხოვონ.
ავტორი: ექსპრესნიუსი,
epn.ge (@expressnews.ge)
