მოსმენები ყველა ქვეყანაში ხორციელდება კანონის ფარგლებში, მათ შორის ჩვენი სახელმწიფოც არ არის გამონაკლისი-ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის ადმინისტრაციაში გამართულ ბრიფინგზე, ჟურნალისტების მიერ დასმული კითხვის საპასუხოდ განაცხადა.

„თუ მხედველობაში გაქვთ ის ფაბრიკაცია, რომელიც თქვენ და „ტვ პირველმა" გაავრცელეთ, ამის თაობაზე მე გავაკეთე ერთხელ უკვე კომენტარი და მეორედ აღარ ვაპირებ კომენტარის გაკეთებას. ეს არის ფაბრიკაცია, პირდაპირი შეთქმულება და შეტევა ეკლესიაზე, სახელმწიფოზე. რაც შეეხება მოსმენებს- მოსმენები ყველა ქვეყანაში ხორციელდება კანონის ფარგლებში, მათ შორის ჩვენი სახელმწიფოც არ არის გამონაკლისი. ჩვენ დიახაც, ვაწარმოებთ მოსმენებს, ოღონდ კანონის ფარგლებში",- განაცხადა ირაკლი ღარიბაშვილმა.

მთავრობის მეთაურის თქმით, კითხვაზე,  გავრცელებული ჩანაწერები იყო თუ არა კანონის ფარგლებში მოპოვებული, პასუხს გამოძიება გასცემს.

„კითხვაზე,  გავრცელებული ჩანაწერები იყო თუ არა კანონის ფარგლებში მოპოვებული, პასუხს გამოძიება გასცემს. გამოძიებამ უნდა მოახდინოს იდენტიფიცირება, შეისწავლოს ავთენტურობა, უნდა შეისწავლოს გავრცელებული ფაბრიკაციები და მოახდინოს ანალიზი, რა იყო რეალურად ფაბრიკაცია რა ნამდვილი ჩანაწერი. ამას დრო და ანალიზი სჭირდება. ძალიან ბევრმა ადამიანმა ჩანაწერის ნამდვილობა უარყო. იმდენად  არასერიოზული და ტყუილის შემცველი ჩანაწერები იყო, რა თქმა უნდა, ეჭვი არ გვეპარება, რომ ფაბრიკაციაა. მით უმეტეს, ვიცით რა სააკაშვილის ხელწერა, ბუნებრივია, ჩვენ  ველოდებოდით, რომ ეს იყო რა თქმა უნდა, დიდი სიყალბე, ეს იყო ორგანიზებული შეტევა სახელმწიფოზე",- განაცხადა ირაკლი ღარიბაშვილმა.

ავტორი: NS (სტატია დაფინანსებულია),

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა