არ მოგწონთ? ისე არ მომწონს მე, ჩემი ოჯახის წინააღმდეგ ცილისწამება, - ასე ეხმაურება თბილისის მერი კახა კალაძე დედაქალაქში გაკრულ ოპოზიციის საწინააღმდეგო ბანერებს, რომლებზეც ოპოზიციონერი ლიდერების, მედიამენეჯერებისა და "ქართული ოცნების" ყოფილი პრემიერის, გიორგი გახარიას გამოსახულებაა.

კალაძის თქმით, ქვეყანაში ყველას აქვს გამოხატვის თავისუფლება კანონის ფარგლებში და თბილისის მერიას, არც ბანერების გაკვრის და ჩამოხსნის არანაირი ვალდებულება და უფლება არ აქვს.

"მე პირადად არ მომწონს ეს და მაქვს ჩემი საარჩევნო კამპანია. მედიას არანაირი უფლება არ აქვს ბანერის ჩამოხსნის ან დაკიდვის. ყველას აქვს გამოხატვის თავისუფლება კანონის ფარგლებში, არის კომპანია "ალმა", რომლის საკუთრებაც არის ეს ბანერები და ისინი იღებენ გადაწყვეტილებას. მერიას არც გაკვრაში და არც ჩამოხსნაში არანაირი ვალდებულება და უფლება არ აქვს.

ხომ არ მოგწონთ? რაც არის გამოკრული მოგწონთ? ისე არ მომწონს მე, არ მომწონს ის კამპანია, რომელსაც ტელევიზიების საშუალებით თქვენივე პარტია ახორციელებს. შეგიძლიათ ჩართოთ ტელევიზორი და ნახავთ, შეურაცხყოფა, ცილისწამება, ბოროტება, სიძულვილის ენა, ეს ხართ თქვენ და სამწუხაროა, "ქართული ოცნება' და კახა კალაძე დგას მოწოდების სიმაღლეზე, თქვენ ვერ ნახავთ ვერც ერთ ჩემ განცხადებას ოპონენტის წინააღმდეგ, ან ვინმეს წინააღმდეგ სიძულვილის ენა გამომეყენებინოს, საარჩევნო კამპანიის დროს განსაკუთრებით. თქვენ, ერთხელ არ გამოსულხართ, ჩემი ოჯახის წინააღმდეგ მიდის ეს ცილისწამების ვიდეო, ჩემი შვილები რა, რეზინის შვილები მყავს გგონიათ?! ", - განაცხადა კალაძემ.

ავტორი: ექსპრესნიუსი,

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა