„თბილისი პრაიდის“ ინფორმაციით, 5-6 ივლისს, რადიკალურად განწყობილი ჯგუფების საპროტესტო აქციას საჭირო აპარატურით დედაქალაქის მერია დაეხმარა.

როგორც „თბილისი პრაიდის“ ერთ-ერთმა ორგანიზატორმა, გიორგი თაბაგარმა აღნიშნა, მათ არა ერთხელ მიუმართავთ დედაქალაქის მერისთვის თბილისის ანძის განათების თხოვნით, რაზეც უარი მიიღეს.

„თბილისის მერმა ჯერ კიდევ 5 ივლისამდე გააკეთა ისეთი განცხადებები, რომლებიც ცხადყოფთა მის პოზიციას. „ქართული ოცნების“ პოზიცია იყო ძალიან ცხადი, რომ ისინი არ უჭერდნენ მხარს „თბილისი პრაიდის“ მშვიდობიანად გამართვას და ეს შემდგომ გამოიხატა კიდეც ყველაფერში. სამწუხაროა, რომ თბილისის მერი დაცლილია ღირებულებებისგან. არა ერთხელ მივმართეთ წარსულში, თბილისის ანძის განათების თხოვნით, რაზეც მერიამ უარი გვითხრა. თანასწორად არ ექცევა მერია მსგავსი ტიპის თხოვნებს, ჩვენ დარწმუნებული ვართ, რომ მივმართოთ იგივე შინაარსის აპოლიტიკური აქციის ტექნიკით მომარაგებაზე, თბილისის მერია გვეტყვის უარს“, - განაცხადა თაბაგარმა „მთავარ არხთან“ საუბრისას.

შეგახსენებთ, რომ 5 ივლისს, „თბილისი პრაიდის“ მიერ ორგანიზებული „ღირსების მარში“ უნდა გამართულიყო, რის პარალელურადაც რუსთაველზე, ქაშუეთის ეკლესიის მიმდებარე ტერიტორიაზე ჰომოფობიური და ძალადობრივი ჯგუფები შეიკრიბნენ. მოგვიანებით, მათ გადაინაცვლეს პარლამენტის ტერიტორიაზე, დაშალეს ოპოზიციის კარვები, ამასთანავე მათ დაარბიეს „თბილისი პრაიდისა“ და მოძრაობა „სირცხვილიას“ ოფისები. ისინი ფიზიკურად გაუსწორდნენ მედიის 50-ზე მეტ წარმომადგენელს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა