დღეს დავრწმუნდით, რომ არ არსებობს საქართველოს მოქალაქე ვისაც არ უსმენენ და ვის მიმართაც არ ხორციელდება ფარული მიყურადება.- ასე გამოეხმაურა დღეს გავრცელებულ ჩანაწერებს "ნაციონალური მოძრაობის" ლიდერმა ნიკა მელია.

მისი თქმით, ის რომ  ადამიანი პროტესტის გამოხატვასაც ვერ ბედავს - საარაკო სიგიჟეა.

"ძალიან მნიშვნელოვანია, რომ პარტიული კუთვნილება გადავდოთ გვერდზე. თუკი ჩვენ გვინდა, რომ ამ ქვეყანაში აღარ იყოს ფარული მიყურადება, აღარ უსმენდნენ არც სასულიერო პირს, არც პედაგოგს, არ გამცირებდნენ ჟურნალისტებს და საქართველოს მოქალაქის უფლებები აღარ იყოს შელახული, ცვლილებები უნდა მოვიტანოთ 3 ოქტომბერს.

მე ვფიქრობ, აღარაფერ შუაში არ არის რომელი პარტიის მხარდამჭერი ხარ. მე მაინტერესებს ამ ქვეყანას მომავალი ექნება თუ არ ექნება, დღეს დავრწმუნდით, რომ არ არსებობს საქართველოს მოქალაქე ვისაც არ უსმენენ და ვის მიმართაც არ ხორციელდება ფარული მიყურადება. ისიც ვიხილეთ - მსხვერპლი ისეთი დამუშავებული ჰყავთ, ამ შემთხვევაში სასულიერო პირის სახით, რომ გამოდის და ამბობს - მერე რა, რომ უშიშროების სამსახური მე მიღებსო. ადამიანი პროტესტის გამოხატვასაც ვერ ბედავს - საარაკო სიგიჟე ხალხო. ეს არის მორალური დაცემის მაგალითი, ამიტომ ყველა მივდივართ 2 ოქტომბერს და ხმას ვაძლევთ ოპოზიციას. ჩვენ ვიხილეთ მსხვერპლი, რომელიც არ უარყოფს ამას, მაგრამ თქვა უნდა მისმინონო - აქ უფრო მძიმედ და ტრაგიკულად გვაქვს საქმე, ვიდრე მავანს ჰგონია. ყველა კითხვაზე პასუხი გაცემულია. ყველაფერზე საუბარი უკვე მერიდება, ყველაფერი დევს ხელის გულზე. რეჟიმი წარსდგა მთელი თავისი მანკიერებით, ამიტომ კარგს ვერავინ ვეღარ ელოდება და გამოსავალი არის 2 ოქტომბერში. "ქართული ოცნება" უნდა შეეგუოს მარცხს", - განაცხადა მელიამ.

ავტორი: ექსპრესნიუსი,

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა