საზღვრიდან მოხვდება პირდაპირ სასჯელაღსრულების დაწესებულებაში, ძალიან ლამაზად გაკეთდება ეს ყველაფერი - ამის შესახებ „ქართული ოცნების“ თავმჯდომარემ, ირაკლი კობახიძემ საქართველოს მესამე პრეზიდენტის, მიხეილ სააკაშვილის მიერ ქვეყანაში დაანონსებულ ჩამოსვლასთან დაკავშირებით განაცხადა.

კობახიძის თქმით, ხელისუფლება მიხეილ სააკაშვილის დასაკავებლად არ გეგმავს ძალის გამოყენებას და მისი სასჯელაღსრულების დაწესებულებაში გადაყვანა „ლამაზად მოხდება“.

„ყოველ ჯერზე გაუცრუა იმედები საკუთარ ამომრჩეველს, ვიცით, რომ მხდალია, მშიშარაა და ვიცით, რომ გაუჭირდება ამ ანონსის შესრულება. ვნახოთ, თუ შემოვა, ამ შემთხვევაში მიეჩინება ის ადგილი, რომელიც უნდა მიეჩინოს.

ძალის გამოყენება არ არის ის, რაც სჭირდება სამართალდამცველ ორგანოს, რომ დააკავოს კრიმინალი. თუმცა არ დაგვჭირდება არანაირი ძალის გამოყენება, ლამაზად, საზღვრიდან მოხვდება სასჯელაღსრულების დაწესებულებაში, ძალიან ლამაზად გაკეთდება ეს ყველაფერი“, - განაცხადა კობახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა