„თუ ამბობთ, რომ ხალხის ინტერესებს გამოხატავთ, ევროპული გზა იყო და არის ზუსტად 19 აპრილის შეთანხმება და თუ ასე გავაგრძელებთ, ამას ხალხი არ გაპატიებთ, უნდა მოემზადოთ წასასვლელად და ოპოზიციაში ყოფნისთვის",- ამის შესახებ ფრაქცია „შარლ მიშელის რეფორმების ჯგუფის" წევრმა, პაატა მანჯგალაძემ პლენარულ სხდომაზე განაცხადა.  მისივე შეფასებით, ოპოზიციაში ყოფნას მაღალი პოლიტიკური კულტურა სჭირდება.

„ის კულტურა,  რომ ერთ ადამიანს უნდა ასიამოვნოთ და ისე მიიღოთ გადაწყვეტილება, ეს არ წაადგება საქართველოს და სწორედ ეს არის ქვეყნის ინტერესების ღალატი, რაზეც საუბრობს პრემიერ-მინისტრი",- აღნიშნა დეპუტატმა.

პაატა მანჯგალაძემ 19 აპრილის შეთანხმების ანულირებაზე ისაუბრა.

„რას გაუკეთეთ ანულირება - ევროპულ გზას, უფრო სამართლიანი არჩევნების ჩატარებას, სამართლიანი სასამართლოს მოთხოვნას, იმას, რომ ქვეყანაში პოლიტიკური დევნა არ უნდა იყოს - მაინტერესებს, რის ანულირება მოახდინეთ?",- მიმართა უმრავლესობის წევრებს დეპუტატმა.

მისივე თქმით, საზოგადოებაში სრული ნიჰილიზმია და „ქართული ოცნება" ხალხის წინაშე პასუხისმგებლობასა და ანგარიშვალდებულებას არ გრძნობს.

ავტორი: ექსპრესნიუსი,

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა