ხარვეზი აღმოფხვრილია და თვითმფრინავი რეისს უახლოეს პერიოდში განახორციელებს, - "ჯორჯიან ეარვეისის" გენერალურმა დირექტორმა რომან ბოკერიამ განაცხადა.

მისი თქმით, თბილისი-ვენის რეისის შესრულებისას, მას შემდეგ რაც თვითმფრინავი თბილისის აეროპორტიდან აფრინდა, პილოტს, თემურ თოლომაშვილს მიეცა სიგნალი, რომ შასი არ დაიხურა. რის შემდეგაც მან საწვავი დაცალა და აეროპორტში დაეშვა. ცნობილია, რომ ბორტზე 182 ადამიანი იმყოფებოდა.

"ჯორჯიან ეარვეისის" რეისი თბილისი-ვენა განხორციელდება, მიმდინარეობს ახლა უკვე შესაბამისი პროცედურები. მგზავრთა ჩასხდომა დაიწყება უახლოეს პერიოდში და თვითმფრინავი განახორციელებს თბილისი-ვენა რეისს. რა მოხდა - მოხდა ტექნიკური გაუმართაობა, ეს არ არის რაღაც სერიოზული დარღვევა, ან სერიოზული პრობლემა თვითმფრინავისთვის, ეს იყო ტექნიკური ხარვეზი. როდესაც აფრინდა ბორტზე, ხომალდმეთაურს სიგნალი მიეცა რომ შასი არ დაიხურა, ხომალდის ხელმძღვანელმა გადაწყვიტა, რომ თვითმფრინავი დაესვა თბილისის საერთაშორისო აეროპორტში. გამოეძახებინა ჩვენი შესაბამისი ექსპერტები. ჩაეტარებინა შემოწმება. ენახა რა ხარვეზია და ამის შემდგომ განეხორციელებინა რეისი. ხომალდის მეთაურმა თავისი მოვალეუოაბ უმაღლეს დონეზე შეასრულა. დახარჯა საავიაციო საწვავი მიიყვანა თვითმფრინავი იქამდე რომ დასაჯდომად ყოფილიყო უსაფრთხო. შემოწმდა თვითმფრინავი. სრულ მზადყოფნაშია რომ რეისი განახორციელოს, - ამბობს ბოკერია.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს