"ხონისთვის ისტორიული გამოვიდა გორდი-ძეძილეთის ახალი გზა. ეს არის გააზრებული, ტურისტულად წარმოდგენილი და ამ ტურიზმის განვითარების ხელშემწყობი პროექტი, რომლითაც რეალურად ოკაცეს კანიონამდე უკვე თამამად შეუძლია წყალტუბოს მუნიციპალიტეტიდან ადამიანმა გადაინაცვლოს ნახევარ დროში ძალიან კომფორტული გზით. აშენდა ახალი ხიდი, ასევე მეორე მხრიდან ოკაცეს კანიოთან 14 კილომეტრიანი მონაკვეთი გავაკეთეთ. ეს არის იმის მაგალითი, თუ როგორ უნდა შეუწყოს ხელი სახელმწიფომ აუცილებელი ინფრასტრუქტურის მოწყობით იმისთვის, რომ კონკრეტული მუნიციპალიტეტი, კონკრეტული ქალაქი, კონკრეტული მდებარეობა განვითარდეს, - ამის შესახებ რეგიონული განვითარებისა და ინფრასტრუქტურის მინისტრმა ირაკლი ქარსელაძემ ხონში „ქართული ოცნების " მერობის კანდიდატის ლაო ჯურხაძის წარდგენაზე სიტყვის გამოსვლისას განაცხადა.

მინისტრმა ისაუბრა პრემიერ-მინისტრის ოინიციატივით დაწყებული პროგრამა „განახლებული რეგიონების" ფარგლებში ხონში მიმდინარე პროექტებზეც და აღნიშნა, რომ ხონს მალე განახლებული თანამედროვე ცენტრი ექნება.  
„ხონი წყლის მიმართულებითაც დაწინაურებულია სხვა ქალაქებთან შედარებით, მაგრამ არის გარკვეული ნაწყილი ქალაქის, რომელიც ჯერ  24 საათიანი მომარაგების გარეშეა, ასევე ზაფხულში არის გამოწვევები, რომელიც უკავშირდება დებედის და მთელ რიგ სხვა საკითხებს, რომლებიც ასევე  ჩვენს სამოქმედო გეგმაშია. ამ გეგმის მიხედვით,  2025 წლის ბოლომდე ყველა ქალაქში გვექნება 24 საათიანი წყალმომარაგება," განაცხადა ირაკლი ქარსელაძემ.
სიტყვით გამოსვლისას ინფრასტრუქტურის მინისტრმა ქვეყანაში განათლების ინფრასტრუქტურის განვითარებისთვის მიმდინარე პროექტებზეც ისაუბრა და გაიხსენა ამ მიმართულებით არსებული ძველი პროექტები, რომელსაც ბიძინა ივანიშვილის და ფონდი „ქართუს" დაფინანსებით ხორციელდებოდა.
„პირადად მე გახლდით ადამიანი, რომელიც მერხების, კომპიუტერების შესყიდვას ვახორციელებდი და მაშინაც სწორედ ბიძინა ივანიშვილი იყო ,რომელმაც 34 ახალი სკოლა ააშენა. ეს იყო 2006, 2007, 2008 წელი. 2008 წელს ომმა მოუსწრო კომპიუტერების შეკვეთას, მაგრამ ვიპოვეთ გზა და ის კომპიუტერები მივაწოდეთ შესაბამის სკოლებს. 100 000 კომპიუტერზე იყო საუბარი. კომპიუტერზე, და ეს იმ დროს, როდესაც ინტერნეტკაფეებიც კი ფუფუნება იყო," აღნიშნა ქარსელაძემ.
ირაკლი ქარსელაძის განმარტებით, მარტო ბოლო 2 წლის განმავლობაში 67 სკოლის მშენებლობა მიმდინარეობს, საიდანაც 42 სკოლა უკვე დასრულებულია.  ხონის მუნიციპალიტეტში 3 სკოლას უტარდება რეაბილიტაცია. ქვეყანაში მთლიანად 103 სკოლის რეაბილიტაცია ხორციელდება. რეაბილიტაცია კი გულისხმობს ევროპული სტანდარტის ღირსეული საგანმანათლებლო ინფრასტრუქტურის მოწყობას, რომელიც საკლასო ოთახსაც მოიცავს, ლაბორატორიულ სივრცესაც, ღირსეულ სამასწავლებლოს, სპეციალურ საჭიროებების მქონე ბავშვებისთის ადაპტირებულ გარემოს, კვების ბლოკებს,  სავენტილაციო და შესაბამის საინჟინრო სისტემებს და სხვა.

ავტორი: NS (სტატია დაფინანსებულია),

სოციალური ქსელები

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times

ევროკავშირმა VK-სა და Max Messenger-ის წინააღმდეგ სანქციები დააწესა