„ქართული ოცნება-დემოკრატიული საქართველოს" თბილისის მერობის კანდიდატმა, კახა კალაძემ მხარდამჭერთა დარბაზი გახსნა.

კახა კალაძემ კიდევ ერთხელ გადაუხადა მადლობა თბილისელებს ნდობისა და თანადგომისთვის.

მისი თქმით, მხარდამჭერთა  დარბაზში ყველა თაობის და სხვადასხვა სფეროს წარმომადგენელს ექნება შესაძლებლობა, მივიდეს და ქალაქის განვითარებაზე იმსჯელოს.

„დღეს ვხსნით ჩემს მხარდამჭერთა დარბაზს. დღეიდან ეს იქნება ადგილი, სადაც სხვადასხვა თაობის, სხვადასხვა დარგის წარმომადგენლებს გექნებათ შესაძლებლობა, მობრძანდეთ, ვიმსჯელოთ ქალაქის განვითარებაზე, კეთილდღეობაზე, სამომავლო გეგმებზე. ამავდროულად, მომდევნო დღეებში ვაპირებ, წარმოვადგინო ჩემი საარჩევნო პროგრამა „მეტი სიცოცხლე ყველა უბანში" და კიდევ ერთხელ ვაჩვენოთ საზოგადოებას, თუ რა დგას ამ სიტყვების უკან, რა კონკრეტული პროექტები განხორციელდება, როგორია ჩემი ხედვა ქალაქთან დაკავშირებით და როგორ წარმომიდგენია ქალაქის განვითარება მომდევნო წლებში, არა მხოლოდ ოთხი წლის განმავლობაში, არამედ გრძელვადიან პერსპექტივაში", - განაცხადა თბილისის მერობის კანდიდატმა.

კახა კალაძემ მხარდამჭერთა დარბაზის ხელმძღვანელად ცნობილი  პედიატრი თემურ მიქელაძე დაასახელა.

„ძალიან მიხარია, რომ გვაქვს ადგილი, სადაც სხვადასხვა ტიპის შეხვედრებს გავმართავთ. რა თქმა უნდა, გვექნება საინტერესო საუბრები ჩვენს ქალაქთან დაკავშირებით. დღეიდან, ამ ადგილის კარი ღიაა ყველა ადამიანისთვის. ყველა ასეთ პროექტს სჭირდება თავისი ხელმძღვანელი. მინდა წარმოგიდგინოთ ადამიანი, რომელსაც მთელი თბილისი ძალიან კარგად იცნობს - ექიმი, პედიატრი, ყველასათვის საყვარელი ადამიანი, რომელსაც განსაკუთრებით უყვარს ჩვენი ქალაქი, ქალაქელები - თემურ მიქელაძე. სწორედ ის უხელმძღვანელებს მხარდამჭერთა დარბაზს. ეს ადამიანი ემსახურება ყველაზე ძვირფასს - ჩვენი შვილების, მომავალი თაობების ჯანმრთელობისა და სიცოცხლის უსაფრთხოებას.

თემური დღესაც ბრძოლის წინა ხაზზე დგას და ებრძვის იმ ვირუსს, რომელსაც სამწუხაროდ, ვერ ვხედავთ. მჯერა, ერთიანი ძალისხმევით, ყველაფერს გავაკეთებთ იმისთვის, რომ ეს ვირუსი ძალიან მალე დავამარცხოთ", - აღნიშნა კახა კალაძემ.

ღონისძიების დასასრულს კახა კალაძემ საკუთარ მხარდამჭერებს საარჩევნო კლიპი წარუდგინა.

ავტორი: NS (სტატია დაფინანსებულია),

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა