საქართველოს პრემიერ-მინისტრი, ირაკლი ღარიბაშვილი ამბობს, რომ პანდემიის გამო ქვეყნის ჩაკეტვას აღარ აპირებს და ყველა კრიტიკა ხელისუფლების მიმართ, რომ ვერ მართავს ეპიდემიას, უსაფუძვლოა. ირაკლი ღარიბაშვილის თქმით, მთავრობამ უზრუნველყო ქვეყანაში საკმარისი ოდენობის ვაქცინების ჩამოტანა და ეკონომიკური ზრდა.

"ქვეყნის დაკეტვაზე მარტივი არაფერია, ერთ საათში შემიძლია გადავკეტო მთელი ქვეყანა, მაგრამ ეს არ არის გამოსავალი. ჩვენ არჩევანი მოვუტანეთ მოსახლეობას. ჩამოვიტანეთ 3 მილიონზე მეტი ვაქცინა, ეს არჩევანი თვითონ მოსახლეობამ უნდა გააკეთოს. აუცილებელია ვაქცინაცია, აუცილებელია პირბადის ტარება და ჩვენი ახლობლების, ყველას დაცვა. ქვეყნის ჩაკეტვა დღეს არის შეუძლებელი, ლოკალური შეზღუდვები შეიძლება დავაწესოთ. სიტუაცია მიდის სტაბილიზაციისკენ, მთელმა მსოფლიომ ანალოგიური გზა გაიარა. ქვეყნის ეკონომიკის გახსნას ალტერნატივა არ აქვს, მით უმეტეს ჩვენნაირი პატარა ქვეყნისთვის.

ამერიკის შეერთებულმა შტატებმა, ნომერ პირველმა სახელმწიფომ, თქვა, ქვეყნის ჩაკეტვა აღარ მოხდება. იგივე განაცხადეს ევროპელებმა. ყველამ აბსოლუტურად.
არჩაკეტვის შედეგი არის ის, რომ დღეს გვაქვს ორნიშნა ეკონომიკური ზრდა. მე ამით ვამაყობ. ვამაყობ იმით, რომ ბიზნესი დამშვიდებულია, სტაბილურად ვითარდება ჩვენი ეკონომიკა და გვაქვს უპრეცედენტო ზრდა ჩვენი ეკონომიკის - ის, რომ ტურიზმის სეზონი არ ჩავარდა და ჩვენს მოსახლეობას დამატებითი შემოსავალი გაუჩნდა, არის ამ გადაწყვეტილებების შედეგი", - განაცხადა ირაკლი ღარიბაშვილმა.

ავტორი: ექსპრესნიუსი,

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა