მობილურ კლინიკა, რომელიც აღჭურვილია რენტგენოგრაფიის ციფრული აპარატით, Xpert სისტემით და ყველა სხვა ლაბორატორიული ინსტრუმენტებით, "ერთი კარის" პრინციპით, სახლთან ახლოს 6 დაავადების: ტუბერკულოზის, COVID-19-ის, C ჰეპატიტის, აივ/შიდსის, დიაბეტის და არტერიული ჰიპერტენზიის ერთდროულ სკრინინგს უზრუნველყოფს.

პროექტის განხორციელება აჭარაში 13 აგვისტოდან დაიწყო და უახლესი ინსტრუმენტულ-ლაბორატორიული კვლევის მეთოდებით დღემდე გამოიკვლეული იქნა 615-ზე მეტი ადამიანი.

პროექტის მიმდინარეობას აჭარის ა/რ ჯანმრთელობისა და სოციალური დაცვის მინისტრი, ნინო ნიჟარაძე, ე.წ. ,"ოცნების ქალაქში" გაეცნო.

"ძალიან დიდი მნიშვნელობა აქვს 6 დაავადების წინააღმდეგ სკრინინგის კომპონენტის განხორციელებას. პროექტის ფარგლებში დაგეგმილია სხვადასხვა მუნიციპალიტეტში - ქობულეთში, ხელვაჩაურში, ხულოსა და ქალაქ ბათუმში 800 პირის გამოკვლევა. შესაბამისად, ეს მონაცემები იქნება მნიშვნელოვანი მომდევნო პერიოდში პრიორიტეტების განსაზღვრისთვის და დამატებითი პროგრამული დაფინანსების დასამტკიცებლად. დაავადებების პრევალენტობის გათვალისწინებით, აჭარის რეგიონი ყოველთვის ლიდერობდა ამ დაავადებების მაღალი ინციდენტობის მხვრივ, ამიტომ ჩვენი რეგიონის მოსახლეობა საჭიროებს ადრეულ გამოვლენას, მითუმეტეს თუ გავითვალისწინებთ ყველა დაავადებასთან მიმართებაში მკურნალობის სახელმწიფო პროგრამები არსებობს, რომელიც სავსებით უფასოა მოსახლეობისათვის.
ჩვენ ადგილზე - "სახლთან ახლოს" პრინციპით ვახორციელებთ ვიზიტებს. მოსახლეობას მოვუწოდებთ ისარგებლონ შესაძლებლობით და მაქსიმალურად ჩაერთონ სკრინინგის კომპონენტში“ - აღნიშნა მინისტრმა, ნინო ნიჟარაძემ.

პროექტი ხორციელდება საქართველოს ფთიზიატრთა და პულმონოლოგთა ასოციაციის, აჭარისა და ზემო სვანეთის საზოგადოებრივი ცენტრების, დაავადებათა კონტროლისა და საზოგადოებრივი ჯანმრთელობის ეროვნული ცენტრის, შიდსთან, ტუბერკულოზსა და მალარიასთან ბრძოლის გლობალური ფონდის ეგიდით.

აქტიურ სკრინინგს ახორციელებენ:
ექიმი ფთიზიატრი-პულმონოლოგი;
რადიოლოგი;
ლაბორანტი;
ეპიდემიოლოგი/შემთხვევის მენეჯერი;
ოჯახის ექიმი/სოფლის ექიმი.

დადებითი შედეგის მქონე პირები შესაბამის კლინიკაში იგზავნებიან. მობილურ კლინიკაში სკრინინგი უფასო და ნებაყოფლობითია, ასევე დაცულია კონფიდენციალობის პრინციპები.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს