პენიტენციურ სისტემაში კორონავირუსით ინფიცირების 96 შემთხვევაა გამოვლენილი, რაც პატიმრების სრული რაოდენობის 1%-ია. - ამის შესახებ იუსტიციის მინისტრმა, რატი ბრეგაძემ განაცხადა.

მისი თქმით, პატიმრების სრული რაოდენობის 70%-ზე მეტი ვაქცინირებულია.

„ამ ეტაპზე პენიტენციურ სისტემაში გვაქვს ინფიცირების 96 აქტიური შემთხვევა, რაც არის პატიმრების სრული რაოდენობის 1%. აქედან 56 პაციენტი მკურნალობს კლინიკა „ვივა მედში“ და 40 ნანეიშვილის სახელობის ფსიქიკური ჯანმრთელობის ეროვნული ცენტრის საკარანტინე სივრცეში. აქვე უნდა აღინიშნოს, რომ აქტიური შემთხვევები ძირითადად არის ე.წ. მიმღები დაწესებულებებიდან, გამოვლენილია საკარანტინე სივრცეებში და ბუნებრივია, ჩვენ შემდგომი გავრცელება აღვკვეთეთ.

პატიმრების ინფიცირებას რაც შეეხება, ეს არის 1% და პატიმრების სრული რაოდენობის 70%-ზე მეტი უკვე არის ვაქცინირებული. განსაკუთრებული მადლიერებით უნდა აღვნიშნო, რომ თანამშრომლების 80%ზე მეტი არის უკვე ვაქცინირებული, რაც აქტიურად ამცირებს კორონავირუსის გავრცელების რისკებს. მზად ვართ საზოგადოებას მივაწოდოთ კიდევ უფრო დეტალური ინფორმაცია, ამისთვის მინდა ვთხოვო, როგორც სახალხო დამცველის ოფისს, ასევე ადვოკატთა ასოციაციას, გამოუშვან წარმომადგენლები და გაეცნონ, თუ როგორ მიმდინარეობს პატიმრების მკურნალობის პროცესი“, - განაცხადა ბრეგაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს