2021-08-30 21:09:47, 762 ნახვა

---

„ქართული ოცნების“ დუშეთის მუნიციპალიტეტის მერობის კანდიდატი მანანა ნარიმანიძე საარჩევნო კამპანიის ფარგლებში მოსახლეობასთან შეხვედრებს განაგრძობს

„ქართული ოცნების“ დუშეთის მუნიციპალიტეტის მერობის კანდიდატი მანანა (მაცაცო) ნარიმანიძე საარჩევნო კამპანიის ფარგლებში მოსახლეობასთან შეხვედრებს განაგრძობს.-ამის შესახებ ინფორმაციას დუშეთის მუნიციპალიტეტის მერობის კანდიდატის პრეს სამსახური ავრცელებს.

მათი თქმით, მერობის კანდიდატი დუშეთის მუნიციპალიტეტში, ბაზალეთის ადმინისტრაციულ ერთეულში შემავალი სოფლების: ჩუბინიაანთკარის, ჩირდილელიაანთკარის, გრიგოლაანთკარის, მლაშეს, პირმისაანის, ვარსიმაანის, რადიოსადგურისა და ბაზალეთის დევნილთა ჩასახლების მოსახლეობას შეხვდა.

„ცენტრალური ხელისუფლების მხარდაჭერით აქ სხვადასხვა  პროექტები განხორციელდა. ყველაზე მნიშვნელოვანი კი ის არის, რომ სოფლებს მაღალმთიანი დასახლების  სტატუსი მიენიჭა და მოსახლეობა სოციალური შეღავათებით სარგებლობს.

არის გარკვეული პრობლემებიც. მოსახლეობის ძირითადი მოთხოვნაა გაზიფიცირება. სეზონზე ბაღების მორწყვასთან დაკავშირებით სასმელი წყალი შეფერხებით მიეწოდებათ, ამიტომ, ითხოვენ ინდივიდუალურ გამრიცხველიანებასაც.

ჩემი გამარჯვების შემთხვევაში, მთავრობის მხარდაჭერით და მოსახლეობის გვერდში დგომით ყველა პრობლემა ეტაპობრივად მოგვარდება“- განაცხადა მანანა ნარიმანიძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი